17 December 2007

مااااااااااااااااااااااااااء

العيد جه وهنعيد وندبحك يا شيخ سيد ونحطك فى الاراونة وندب عليك بالخرسانة

مين الشيخ سيد وايه الخرسانة دى؟ انا مش عارفة مين اللى الف الاغنية دى
بس هى بتبقى حلوة فى العيد يعنى


كل سنة وانتم طيببين

مين راح يحج ؟
لبيك اللهم لبيك .....فاكرين الحاجة اللى كانت فى فيلم همام فى امستردام
تخيلوها معايا
لبيك اللهم لبيك
:)


عقبالنا جميعا لما نروح نحج
بيقولوا بيوزعوا لحمة هناك كتير
صحيح الكلام ده؟






ومين اللى هيدبح خروف السنادى ؟

......اتفضلوا نقوا اللى يعجبكم



19 November 2007

اسرارنا فى درج المكتب المفتوح


لماذا يترك البعض منا اسراره فى ادراج المكتب المفتوحة ؟
وربما نتركها دون انتباه الى ان ان هناك اياد قد تمتد لتقراها او اعين تراها
او ربما ونحن نضعها فى مكاتبنا نكن مدركين بانها عرضة لان تكشف
ورغم ذلك لا نحرص على اغلاق الادراج جيدا


هل هذا بدافع رغبة خفية داخلنا بان يكتشف الاخرون اسرارنا ؟
ام هو عدم اهتمام بهذه الاسرار؟

ام هى ثقة زائدة بمن حولنا فى محيط حياتنا؟
ام اننا من يسىء اختيار ادراج المكتب ..فيضع اسراره فى ادراج لا توجد عليها اقفال ؟

لربما تركناها عن عمد فى الادراج المفتوحة ليكتشفها الاخرون ويعرفوا ما لا نستطيع البوح به لهم بطريقة مباشرة
ومن المحتمل ان هناك من يفعل ذلك حتى لايلفت الانتباه الى اسراره ..فهى ليست موجودة فى كانون الاسرار او الخزنة وانما هى موضوعة ضمن باقى الاوراق والملفات ...تفاديا لغريزة البشر فى ما يلخص بالمقولة الشهيرة :
الممنوع مرغوب

يمر على عينى الان مشهد فى فيلم اجنبى شاهدته فى الصيف الماضى عن لص كان يدخر امواله فى ادراج الثلاجة ..لاعتقاده بان الخزنة تجزب السارقين للمنازل
وفى النهاية اختفت ثلاجته من قبل سارق للاجهزة الكهربائية
وبالطبع سرقت معها الاموال

بعض منا ..وهم فئة قليلة تسعى بان تكون هى محور الاحاديث بيننا ..وفى سبيل ذلك قد تكشف عن بعض اسرارها عن عمد ولكن بطريقة غير مباشرة ربما تبدو لنا بانهم قالوها عن طريق الخطأ او زلة لسان
وهى بذلك تدفع العقول دفعا نحو استنتاج بقية الاسرار

وهناك فئة من البشر بيننا ايضا ..تكن معروفة للجميع بانها مثل الادراج المفتوحة او ربما المثقوبة
(ما بيتبلش فى بقها فولة)
وهى فئة ربما لسذاجتها يستخدمها البعض فى نشر معلومات غير صحيحة او استغلالها فى نشر الاخبار اذا ما ارادوا نشرها بسرعة البرق

وعلى النقيض تماما ..هناك اشخاص يتمتعون بالقدرة على حفظ الاسرار و كتمها ولا يملك احد ان ينتزعها منهم ابدا وعلى الرغم من ذلك ..لا يجدون من ياتمنهم على اسراره.....رغم انهم قد يعلنوها صراحة بانهم بئر للكتمان
ويكونو مدركين بانها كالموهبة التى يجدون فيها متعتهم
وهم فى ثقتهم هذه مثل سيدنا يوسف عليه السلام عندما قال لملك مصر فى سورة يوسف
:
بسم الله الرحمن الرحيم :
قال اجعلنى على خزائن الارض انى حفيظ عليم

ولكن هناك مقولات اخرى ضد ما اقول (شايفين الحياد والموضوعية )..فهناك حكمة تقول :
اذا ضاق صدرك بسرك فصدر غيرك به اضيق
وهى تحارب كل ما اقوله من بداية حديثى فهى مقولة خاطئة ولابد من نفيها خارج قاموس الحكم
(اوعى حد يصدق ..انا لسه ملتزمة بالحياد) وهناك مقولة اخرى تقول
السر لو خرج برة اتنين ما يبقاش سر

خلاصة القول
-------------
بان ادراج المكتب ليست هى السبب فى كتم الاسرار من افشائها
بل نحن من يكون له الاختيار من بين الادراج ومن بين الاشخاص
فطبيعة البشر هى البوح والكلام ولكن مع من نتحدث ومع من نكتم اسرارنا
وفى اى الادراج نضعها

هذه هى المشكلة
فى الدرج ولا برة الدرج
هذه ليست مشكلة
:)



27 October 2007

بعييييييييييييييييدا عن السياسه

بعييييييييدا عن السياسه
احنا مش هنتكلم فى سياسه ولا غيره
انا بس عايز اخد رائيكم فى عده امور بعيييييييييييده كل البعد عن السياسه
من محاكمات عسكريه لناس على الاقل مش ظاهر عنهم حاجه تشين ليهم ولا لاموالهم
من فصل طلاب من الجامعه بحجه انهم لهم اتجاه معارض للحكومه
من دخول بلطجيه على مسمع ومرأى من الامن وقياده الجامعات , على فكره انا شفت الكلام ده بعينى
من عمل اتحادات معينه من قبل اداره الكليات والاسم انتخابات اتحاد
من حبس للصحفين وتكميم الافواه



ورغم ده كله فيه ناس تانيه تستاهل فعلا تتحاكم وتعدم كمان امثال ......و.....و...... لا دول كتيييييير صعب عدهم فى بلدنا
والله انا فعلا بدات اياس رغم ان الياس ليس من شيم المسلمين بس فعلا الوضع الى احنا عليه صعب اوى

والله انا مره قرات تحقيق اتعمل مع طالب من ال بيتفصلو دول كانت التهم الموجهه له بالنص كده توزيع ما يحس الطلاب على عدم التبرج والاختلاط وحثهم على الصلاه فى المسجد والله ده حصل فى كليتنا الموقره فعلا دى كانت التهمه

بس برضه الواحد لازم يفتكر قول الله عز وجل " حتى إذا استيأس الرسل وظنوا أنهم قد كذبوا جاءهم نصرنا فنجي من نشاء ولا يرد بأسنا عن القوم المجرمين "
ياريت الى يقراء يعلق ويقولى يمكن انا الى شايف الدنيا سوده شويه

20 October 2007

مش مشكلة


اهلا اهلا اهلا
رمضان خلص اهو ..والعيد كمان خلص ...
واهلا بالدوشة والزحمة والشمس والخنقة
اهلا بالمحاضرات والمزكرات وكارفن
اهلا بالجامعة وشباب الجامعة وبنات الجامعة
ولبس الجامعة ...اللى يحرق الدم وينرفز ويضحك فى نفس الوقت
بزمتكم شوفتو حاجة زى كده؟

انا مش هتكلم فى اللى ما بفهمش فيه ...مش هتكلم على لبس الشباب انا بتكلم عن لبس البنات اللى ظهر بعد العيد
طيب بس حد يقولى هى دى الموضة السنادى بجد؟
يعنى هى الهدوم بتاعة البنات خلصت مش لاقيين غير اللبس ده؟

طيب بزمتكم برضه ده لبس ينفع بنت محجبة؟
ولا مش محجبة حتى؟
مش مشكلة .....

الجامعة بقت زى النادى

نخرج نتفسح فيها
نلعب شطرنج ...كوتشينة ...ناكل نشرب ..نفرش ملاية ونناااااااااااام .... مش مشكلة
بس بصراحة اكتر حاجة مضايقانى هى انى اطلع من المحاضرة دماغى هتنفجر من الكلام المجعلص اللى بناخده ده واطلع الاقى الطلبة برة
بتضحك وتهزر

بس مش مشكلة كله يمشى
...الامن طول ما هو موافق احنا لازم نوافق ..مش هو ادرى بالصح فى الجامعة
كله يمشى الا حاجة واحدة بس ....المظاهرات ...هى اللى لازم تتوقف بصراحة
لان لما بيكون فى مظاهرة ..احنا اللى بنتطلتع على باب الجامعة
والشمس تضرب فى دماغنا مش مشكلة
والمحاضرة تضيع ..مش مشكلة
لكن لازم يشوفوا كارنيهاتنا واحد واحد وواحدة وواحدة ...طبعا
عشان الامن والنظام يتم



لكن الادب والاحترام ........مش مشلكة بقى
هما هيربونا يعنى ؟
ما اللى عايز ينام ينام واللى عايز يشوف شغله ومحاضراته يشوف
واللى عايز يقعد يتفرج على الرايحة والجاية يقعد
واللى عايزين يقعدو اتنين اتنين ...براحتهم طبعا ...ما الشجر كتير ...والامن ذات نفسه قاعد بيشرب شاى وقهوة براحته برضه
مش بقولكم مش مشكلة

09 October 2007

العيد فرخة

كل سنة وانتم طيبين
العيد جه خلاص اهو
بصراحة ما قدرتش استنى ليوم العيد علشان انزل البوست الجديد
قلت الحق اكون اول واحدة تهنيكم بالعيد

العيد فرخة
..ايوة العيد فرخة مش فرحة
هو طبعا فرحة ..بس انا عايزاه السنادى يكون فرخة
كل سنة اقعد اقول لنفسى
اشمعنا فى العيد لازم ناكل رنجة وفسيخ
وبصل









وكل سنة اقول انا مش هاكل الاكل ده..رغم انى بحب الرنجة بس اقول انا هاكل الكحك بس ...ماله الكحك ..جميييييييييييييل ..






ما علينا ..اللهم انى صاااااااائم

اه وترمس
..صح ..ده العيد ما يبقاش عيد من غير الترمس




المهم انى كل سنة اكل رنجة وبصل وكحك
وماكلش الفرخة
بزمتكم مش شكلها حلو وتفتح النفس ...ياسلاااااااااااااااااااام






الناس معظمها بتقول انها بتطلع من رمضان زهقانة من الاكل الدسم
ماشى ..عندهم حق
يللا.... نتفق مع الناس فى حاجة ..مش وقت فلسفة ولا نصايح
ده وقت فرحة وعيد
بس برضه هاكل فرخة فى العيد ..ولو حتى تانى يوم ..


حد جاب صواريخ وبمب ؟ ايوة ..اللى بنزعج بيها الجيران وبنخضهم ...طيب حد جاب بلالين؟
نفسى فى مرة وانا كبيرة كده امشى ببالونة فى الشارع ..اشمعنى العيال يعنى ؟هما احسن منى ؟ولا هو العيد بتاع الصغيرين بس ؟









كل سنة وانتم بخير وربنا يبلغنا رمضان الجاى ويبلغنا ليلة القدر فيه

ما حدش ينسى ...اللى بيقيم ليلة العيد ولو بركعتين ليه ثواب كبير قوى عند ربنا
واول حاجة تفطروا عليها الصبح مش كحك ..اصبروا شوية ..افطروا على تمر

..سنة عن الرسول صلى الله عليه وسلم




يللا اسيبكم بقى تكملوا رمضان على خير ونتقابل ان شاء الله فى العيد
سلام عليكم

08 September 2007

اهلا رمضان عابرسبيل



شهر رمضان
بجد شهر كلنا بنستناه وكلنا بنحس انه شهر مختلف عن باقى الشهور
انا نفسى ميخلصشى وخصوصا اخر عشره ايام
اللى جرب منكم الاعتكاف هيعرف ان لهم طعم مختلف
انا فاكر السنه الى فاتت عنيا دمعت وانا سايب المعتكف
المهم
تعالو نفكر مع بعض ازاى نطلع باكبر استفاده من الشهر الكريم
طبعا اكيد كلنا عرفين احديث وايات كثييييييييييييره بتحض على العمل الصالح فى رمضان
بس اكتر حاجه بتخلينى احس بقيمه الشهر ده فعلا القصه بناعه سيدنا طلحه
لما جاله اتنين من اصحابه وجلسو عنده عام وبعد العام ذهب واحد منهم للجهاد فستشهد ومكث الاخر عام ثانى ثم توفى على فراشه
وبعد موتهما رأى سيدنا طلحه فى منامه ان الثانى يدخل الجنه اولا فستعجب كيف والاول مات شهيد
فبلغ ذالك النبى صلى الله عليه وسلم فكان تفسيره للموقف ان قال ويحكم الم يشهد رمضان!! وصلى فيه للله وقام
اى انه لمجرد ان حضر رمضان فقد تفوق على الشهيد
انا لقيت شويه نوايا ممكن ننويها قبل صيام كل يوم من ايام رمضان
لان النيه دى اهم ما فى الموضوع
لان الصحابه رضوان الله عليهم كانو تجار نوايا
كان الواحد منهم بيعد للعمل الواحد اكثر من سبعين نيه
بجد لازم نستغل رمضان ده احسن استغلال
بعض النوايا
1- استجابة لامر الله تعالى
قال تعالى ((ياايها الذين ءامنوا كتب عليكم الصيام كما كتب على الذين من قبلكم لعلكم تتقون )) البقرة 183...و ما ادراك ما ثواب طاعة الله و رسوله قال تعالى ((و من يطع الله و الرسول فاولئك مع الذين انعم الله عليهم من النبيين و الصديقين و الشهداء والصالحين و حسن اولئك رفيقا )


2- اقامة ركن من اركان الاسلام
...فصيام رمضان الركن الرابع من اركان الاسلام
3- استحقاق محبة الله عزوجل
لقول الرسول صلى الله عليه و سلم فى الحديث القدسى ((يقول الله ...و ما تقرب عبدى الى احب الى مما افترضته عليه ..))
4- طلب فرحة الدنيا و الاخرة

...قال صلى الله عليه و سلم ((للصائم فرحتان : فرحة عند فطره و فرحة عند لقاء ربه ..))

5- طلب منازل التقوى التى يحققها الصوم الصحيح
((ياايها الذين ءامنوا كتب عليكم الصيام كما كتب على الذين من قبلكم لعلكم تتقون
و ذلك لان الصيام فيه امتثال لامر الله و اجتناب نواهيه ,,,و فيه استشعار لمراقبة الله فالصائم يترك ما تهوى به نفسه مع قدرته عليه لعلمه باطلاع الله عليه


6_ ليغفر الله لك ما تقدم من ذنبك و ما تاخر
قال رسول الله صلى الله عليه و سلم (( من صام رمضان ايمانا و احتسابا غفر له ما تقدم من ذنبه ....و من قام رمضان ايمانا و احتسابا غفرله ما تقدم من ذنبه ))@...و ينبغى ان تلاحظ ان النبى صلى الله عليه و سلم اشترك المغفرة بشرطين 1_ ايمانا ...اى استسلاما للملك سبحانه و تعالى ..يارب سبحانك امرتنى للصيام فصمت 2_ احتسابا ...ان تحتسب اجرك عند الله


7_لدخول الجنة من باب الريان
قال صلى الله عليه و سلم ((ان فى الجنة بابا : يقال له الريان ..يدخل منه الصائمون يوم القيامة ..لايدخل منه احد غيرهميقال : اين الصائمون ؟فيقومون لا يدخل منه احد غيرهم ...فاذا دخلوا اغلق فلم يدخل منه احد))
8-الصيام و القيام يشفعان للعبد يوم القيامة
عن عبد الله بن عمر ان رسول الله صلى الله عليه و سلم قال :(( الصيام و القرءان يشفعان للعبد يوم القيامة ...يقول الصيام : اى رب منعته الطعام و الشراب فشفعنى فيه و يقول القرءان : رب منعته النوم بالليل فشفعنى فيه ...فيشفعان ))
9_طلب الاجر العظيم ...

تخيل ان الله اكرم الاكرمين و اجود الاجوديين هو الذى سيكافئك على الصيام ...و يكفيك ان اجر الصيام لم يذكره الله لنا من عظم الثواب ...لقوله عزوجل قى الجديث القدسى ((.......الا الصيام فانه لى و انا اجزى به ))....و معنى (الصيام لى )..اى انه يكون خالصا لى ليس فيه رياء لانه لم يتعبد به لاحد غيرى فهو سر بين الله و العبد يفعله خالصا لوجه الله.....(و انا اجزى به ) ...و ان الكريم اذا تولى الاعطاء بنفسه دل ذلك على تعظيم العطاء و تفخيمه ..ففيه مضاعفة الجزاء من غير عدد و لا حساب

10_ ان تكون لك دعوة مستجابة .........فالصائم دعوته لا ترد
...و عن ابى هريرة رضى الله عنه قال : قال رسول الله صل
ى الله عليه و سلم ((ثلاث دعوات مستجيبات ...دعوة الصائم ..دعوة المظلوم ..دعوة المسافر ))


11_ الصائم ينال اجره من غير حساب
....قال تعالى ((انما يوفى الصابرون اجرهم بغير حساب ))و فى تفسير الاية الصابرون اى ...الصائمون ...و بغير حساب اى من غير تقدير و لا وزن ....و قال اهل العلم : كل اجر يكال كيلا و يوزن زونا الا الصوم ...فانه يحثو حثوا و يغرف غرفا



12- تجديد الايمان في القلوب
( ان الايمان ليخلق في جوف احدكم كما يخلق الثوب افسأوا الله ان يجدد ابليمان في قلوبكم ) صحيح


13- التعاون على الخير
(وتعاونوا على البر والتقوى )

14-الصيام يبعدك عن النار ان كنت تبتغى به وجه الله تعالى
....قال صلى الله عليه و سلم ((من صام يوما فى سبيل الله باعد الله منه جهنم مسيرة مائة عام )) اخرجه النسائى ...و قال صلى الله عليه و سلم ((من صام يوما فى سبيل الله جعل الله بينه و بين النار خندقا كما بين السماء و الارض )) اخرجه الترمذى

15- تصوم ليبلغك الله ليلة القدر ...التى هى خير من ال
ف شهر
16- مجاهدة للشيطان والنفس والهوى
وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى*فَإِنَّ الْجَنَّةَ هِيَ الْمَأْوَى


17- أصوم لأجاهد في سبيل الله
وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ (العنكبوت:69)صومي حسنة والحسنة بعشر أمثالها والله يضاعف لمن يشاء(وفي رمضان الحسنة بسبعين)مَنْ جَاءَ بِالْحَسَنَةِ فَلَهُ عَشْرُ أَمْثَالِهَا … الآية (الأنعام:160(والحسنة ضياء في الوجه ونور في القلب وسعه في الرزق وبركة في العمرومحبة في قلوب الناس.

18-
أصوم لكي يرزقني الله به الصبر..لأن الصوم نصف الصبر
19- أصوم للحصول على التقوى



يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ

20- أصوم شكر لنعمة الله علي عبادة الصيام

وَإِذْ تَأَذَّنَ رَبُّكُمْ لَئِنْ شَكَرْتُمْ لَأَزِيدَنَّكُمْ

21- أصوم لأتخذ مآباً إلي ربي بالصيام

ذَلِكَ الْيَوْمُ الْحَقُّ فَمَنْ شَاءَ اتَّخَذَ إِلَى رَبِّهِ مَآباً

22- أصوم لأن الصيام عمل صالح


إِلَيْهِ يَصْعَدُ الْكَلِمُ الطَّيِّبُ وَالْعَمَلُ الصَّالِحُ يَرْفَعُهُ الآية فاطر:10

23- أصوم لأفرح وحتى يكون خلوف فمي أطيب من ريح المسك
قَالَ رَسُولُ اللَّهِ صَلَّى اللَّه عَلَيْهِ وَسَلَّمَ قَالَ اللَّهُ: الحديث… وَالَّذِي نَفْسُ مُحَمَّدٍ بِيَدِهِ لَخُلُوفُ فَمِ الصَّائِمِ أَطْيَبُ عِنْدَ اللَّهِ مِنْ رِيحِ الْمِسْكِ لِلصَّائِمِ فَرْحَتَانِ يَفْرَحُهُمَا إِذَا أَفْطَرَ فَرِحَ وَإِذَا لَقِيَ رَبَّهُ فَ
رِحَ بِصَوْمِهِ


23- أصوم حتى تستغفر لي الملائكة حتى أفطر
قَالَ رَسُولُ اللَّهِ صَلَّى اللَّه عَلَيْهِ وَسَلَّمَ أُعْطِيَتْ أُمَّتِي خَمْسَ خِصَالٍ فِي رَمَضَانَ لَمْ تُعْطَهَا أُمَّةٌ قَبْلَهُمْ خُلُوفُ فَمِ الصَّائِمِ أَطْيَبُ عِنْدَ اللَّهِ مِنْ رِيحِ الْمِسْكِ وَتَسْتَغْفِرُ لَهُمُ الْمَلَائِكَةُ حَتَّى يُفْطِرُوا وَيُزَيِّ
نُ اللَّهُ عَزَّ وَجَلَّ كُلَّ يَوْمٍ جَنَّتَهُ ثُمَّ يَقُولُ يُوشِكُ عِبَادِي الصَّالِحُونَ أَنْ يُلْقُوا عَنْهُمُ الْمَئُونَةَ وَالْأَذَى وَيَصِيرُوا إِلَيْكِ وَيُصَفَّدُ فِيهِ مَرَدَةُ الشَّيَاطِينِ فَلَا يَخْلُصُوا إِلَى مَا كَانُوا يَخْلُصُونَ إِلَيْهِ فِي غَيْرِهِ وَيُغْفَرُ لَهُمْ فِي آخِرِ لَيْلَةٍ قِيلَ يَا رَسُولَ اللَّهِ أَهِيَ لَيْلَةُ الْقَدْرِ قَالَ لَا وَلَكِنَّ الْعَامِلَ إِنَّمَا يُوَفَّى أَجْرَهُ إِذَا قَضَى عَمَلَهُ(مسند أحمد: 8136)

17 August 2007

3abratalsabeel

بضع ازرار ....عصفور كنارى احمر وجلاجل جرس ...رموز بيضاء صماء وباب اخضر مغلق
ينتظرون ...صامتون ....حتى العصفور صامت وجلاجله لم اعد اسمعها ولا استمتع بصوتها
ومربع قاتم مظلم ....
يوم ملىء بالفراغ ....اصوات ساكنة وحديث صامت .....وغياب رنين انتظره منذ البارحة ....رنين جعلته فى اعلى درجاته حتى اسمعه من بعيد ...ولم يأتينى حتى الان ....رموز بيضاء تناشدنى بان اطرق الباب الاخضر .....فألبى طلبها ...اتامل الحروف ...لاول مرة لا اجد اسم كان يملا الذاكرة .....تخوننى دمعة
2
ثم اطرق الباب الاخضر مرة اخرى
ياتنيى صوت ...انصت ...فاذا هى تقول لى
لقد قرب رصيدكم على النفاذ ...يرجى اعادة شحن البطاقة
انتظر حتى اسمع صوت جرز هاتفك ....
ولا ياتينى الرد
اضع هاتفى جانبا ....اتامل صورتك ....اكاد اقرر ان اضيفها لكلامى هذا لتكون انسا لى فى غيابك
اتذكر رفضى السابق بان تضع صورتك فى المدونة ... وتعجبك من رفضى
ابتسم واتراجع عن قرارى
تاتى على ذاكرتى اغنية ..لام كلثوم ...ادندن منها بضع كلمات لا اعرف سواها
ابحث عنها وسط شرائط الكاسيت القديمة التى تمتلكها امى ...
لم اجدها ...
افتح صندوق بريدى ...لا جديد ..رسالة او اثنين من زملائى فى الكلية ....اتذكر ايام امتحاناتى ...واتجول فى مدونات صديقة كتبت عن هذه الايام ....يصيبنى الملل ...واغلق الكمبيوتر ...وما البث ان افتحه حتى اكتب هذه التدوينة
اراجع اوراق كتبت فيها مسبقا ..اجد بضع سطور كنت قد تناسيتها ...ولكنى اكتبها الان
-----------------------------------------------------------------------------------------------
قمرى
-----------------
كل ليلة كنت ادنو من النافذة القى بنظرى فى السماء ...اتامل نجومها المتلألأة (اللى نفدت من السحابة السودة
اسالها ...اين غاب القمر ...فيجيبنى شهاب :لم يحن وقت ظهوره بعد ظللت اسالها ..وان غابت احداها (مهما معدودين اصلهم يجى خمسة ستة بالكتير )اشعر بالوحدة ...اسال صحيباتها عن سر غيابها ...فتخبرنى همسا بانها ذهبت تبحث لكى عن القمر....فيزداد املى فى اقتراب مجيئه
...
اتناسى انتظار القمر وتمر الايام وتنقضى الليالى .....
اسير فى شوارع مدينتى ...بعد ان غربت شمس نهارى ....اتامل رصيف المترو ....واذ بحبيبات الزجاج المتناثرة على رصيف المترو (اللى معرفش بتيجى منين )تضيىء ....وتنير السماء...وينجلى من وسط السحاب نور ...ارفع راسى للسماء فاجد القمر قد هل بدرا ...تتراقص حوله النجوم احتفالا بقدومه ...
ابتسم لقمرى عتابا ...تاخرت قمرى طويلا وطال معك انتظارى ...لكنك جئت اخيرا
------------------------------------------------------------------------------------------------
بس خلاص
انا عارفة انى غلست وكتبت بوست قبل عابر السبيل .....
سلام عليكم

21 July 2007

abratalsabeel عالم المدونات

عرفت عالم المدونات عالم كبير مليان امنيات

قلت اكتب عنها قبل ماالاقى الوقت فات

فيها ناس بتشكى همها وناس فيها بتسمع الاهات

واللى بيضيع فى قرايتها وقتنا واللى عايش وقته مخنوق بالساعات

واللى بيكتب عن حبيب جرحه وبالدموع بيملا بوستات

وبلوج اسود كله حزن وبلوج بمبى دمه شربات

وبلوج اخضر فيه الامل وبلوج اصفر ملين انتقادات

واللى ماسك قلم للحكومة بيكتبلها مخالفات

وشعر هنا ونثر هناك وفصحى دايبة فى كتابات

مواهب شابة عايزة تتسمع تتقرى او قابلة تتفات

صور كتير روعة او كئيبة لفنانين وفنانات

مسكوا ريشة رسموا حلم او كابوس او ممات

بنات بتكسر حاجز صمتها وبالكلام تملا صفحات

وشباب بيمّوت فراغه وينشغل عن خد وهات

تكنولويجا وحاجة تهوس وشات بوكس وفلاشات

وعروسة مستنية العدل وشباب غاوى افتكاسات

وحرب دايرة بين حقوق ضايعة ودموع وسجون وتنهيدات

مدونات تجيبك وتوديك واللى يقرا ما يمّلش ويقراها بالساعات


نعتزر عن العطل الفنى فى القافية والوزن .......ماليش فيهم ...المهم المعنى ..الاحساس ...السينسينج
:)
سلام عليكم

10 July 2007

3abratalsabeel حد يقول مبروك

صلوا على النبى ...طيب قولوا ماشاء الله ...حد يسمعنى زغروتة ......مش عارفين ليه؟


احنا اتشبكنااااااااااااااااااااا....هااااااااااااااااااااااااااااااااااااااااااااااا

ا


!!!!!!!!!!!!!!!!!....مش عارفين احنا مين؟ انا وعابر السبيل اللى بنكتب هنا


ايوة انتو اكيد كنتم عارفين او بتشكوا فى الموضوع ...انا وعابر السبيل مخطوبين ...امال يعنى اسامينا زى بعض ليه؟عياقة يعنى؟ ...من قبل الامتحانات ...قرينا الفاتحة ولبسنا الدبل ودلوقتى من يومين تلاتة كانت الشبكة....الحمد لله





عارفة هتقولو ندلة وما عزمتيناش.......والله يا جماعة انا ماكنتش فاضية خالص حتى افتح الكمبيوتر ..وبعدين الحفلة كانت عائلية خالص ...يعنى يجى خمسين واحد بس ...خمسين هه وكانت يوم الخميس، خمسة سبعة...الحفلة كانت عائلية وحقيقى كانت زحمة وما كنتش شايفة قدامى



ما سمعتش ولا زغروتة لغاية دلوقتى ..ولا واحد قال مبروك ...ايه ده ؟وكمان عايزين حاجة ساقعة وجاتوه؟...مافيش هدايا يبقى مافيش حاجة ساقعة ولا جاتوه ولا حتى سندوتش جبنة ...بس هه...


مافيش صور طبعا للشبكة ...اللى يعرفونى من الكلية يستنوا لغاية ما نرجع وان شاء الله تكون الصور معايا ..اما اللى يعرفونى من المدونة بس ....مش هينفع احط صور ..كانوا يطخونى فى البلد

اه يا بنات عندى نصيحة ليكم ...ان شاء الله عن قريب فى خطوبتكم او فى فرحكم ...لازم تكونى نايمة كويس وشبعانة نوم ..عشان تقدرى تكونى مركزة فى الحفلة مين اللى بيغمس عليكى ومين اللى بيتريق عليكى او على خطيبك ...وسجلى فى دماغك كله وطلعيه عليهم


وكمان اهم حاجة ....لازم تكونى واكلة كويس قوى من اليوم اللى قبليه لانك يوم الحفلة مش هتعرفى تاكلى اى حاجة بكتيرك هتشربى ميا ...ما تعمليش زيى جعت وعطشت ونمت وماكنتش شايفة ولا سامعة حاجة


انا كتبت البوست ده صحيح لكن عارفة ان عابر السبيل كان عايز يقولكم :نحن السابقون وانتم اللاحقون وبيقول للشباب بالذات ...كلنا لها ...عقبالكم


انا اسفة على تاخير الرد على تعليقاتكم فى اخر بوست ...هرد دلوقتى على كل الكلام


سلام عليكم ...ادعولنا ربنا يتمم لنا على خير....


عـــــــــــــقــــــــــــــبـــــــــــــــالــــــــــــــــكــــــــــــــــم ...




25 June 2007

3abratalsabeel محلااها عيشة الحرية



الــــــــــــــــــحـــــــــــــــــــريـــــــــــــــة


------------------------------


لما بفكر فى معنى الحرية بفتكر الحكمة اللى ماما علمتهالى :انت حر ما لم تضر


وحقيقى حكمة مهمة قوى ...وحقيقى ما لقتش حد حر فى اى حاجة الا وليها علاقة بالناس والناس بتتاثر بحريته دى مهما حصل


...................................................................................................................................................




عصافير الجيران


---------------


جارتنا راحت تصيف وسابتلنا عصافيرها ...شهر بحاله عصافيرها عندنا ....كنت مبسوطة بيهم قوى فى الاول ....بس زعلت بعديها ...تصوروا العصافير تقتل عيالها؟!!!انا ما كنتش اتصور ان المخلوقات البريئة دى تقتل عيالها ..وقعدت افكر كتييييييير ليه العصافير قتلت عيالها ...ولسه عارفة دلوقتى .....العصافير كانت حاسة انها مسجونة خايفة وقتلت ولادها عشان ما يتسجنوش زيها


.........................................................................................................................................................




تملكّنى ولكن ملكّنى العالم بعد ذلك


-------------------------


فى مرة قاعدة فى امان الله بتفرج على التليفزيون ...وفى نص ساعة الاعلانات قلت اغير اتفرج على حاجة تانية...لقيت مسلسل الف ليلة وليلة ،قلت يللا اهى تصبيرة والسلام ...كان شهريار بيقول لشهرزاد :انت ملكى ...فردت عليه بكل تناكة وسزاجة ومسكنة الممثلات العربى بتوعنا :تملكنى ولكن ملكنى العالم بعد ذلك


شدتنى الكلمة دى قوى .... يعنى ايه حد يتملك حد ويملكه الدنيا بحالها فى نفس الوقت ؟


ازاى يعنى؟ طول عمرى بقول مش ممكن حد يتملكنى وعاشت عابرة السبيل حرة مستقلة ،والاستقلال التام او الموت الزئام.....هى زئام بتتكتب كدا برضه ؟!!!مش عارفة .....المهم


لما سمعت الكلمة دى عجبتنى ....فعلا شهرزاد كان عندها حق ...ممكن الواحد يبقى مملوك لكن مالك الدنيا بحالها


كوكوكوكوووووووووووووووووو


........................................................................................................................................................................




عندما تعشق الشيكولاتة


-------------------


عارفين طبعا اعلان شيكولاتة جالكسى .....ما تعرفهوش؟ طيب تعرفوا اعلان كادبرى؟....كمان دى ما تعرفوهاش؟...ايه ما بتتفرجوش على الاعلاانات؟طيب اقولكم انا ...فى لما يحطوا كوباية لبن على شكولاتة تطلع بقدرة القادر قالب شيكولاتة شكله جميييييييييل ...


اهو ...باسم الحرية احنا بنفتكر اننا بقينا احنا والغرب كده ...بنمتزج بيهم زى امتزاج اللبن بالشيكولاتة


بس الحقيقة...اننا عشقنا الغرب بس ما اتمزجناش فيه ...احنا حبينا حريتهم فخدنا لون الشيكوتة وهما ما خدوش مننا حاجة....بقينا لون من غير طعم ولا معنى ...مابقيناش لا كادبرى ولا جالكسى...بقينا شكولاتة من اللى بربع جنيه اللى مش شكيولاتة خالص....


سلام عليكم ...




23 June 2007

جدد حياتك ........ عابر سبيل


جدد حياتك

نعم من حين لاخر يحتاج المرء منا ان ينظر فى جميع جوانب حياته لينظم بعض شؤونه لينظف ما اعتراها من شوائب ويضمد ما بها من جروح ويقوم ما بها من اعوجاج فكيف يبزل الناس كثير من الجهد فى تنظيم الاشياء الماديه من ملبس وماكل ومشرب ومسكن وينسى ما هو اهم من هذا كله ألا وهى نفسه الذى بين جنبيه واقصد بتجديد الحياه ان ينظر المرء من حين لاخر فى اهدافه وغاياته والوسائل المتبعه لتحقيق هذه الاهداف فمن الممكن مع خضم الحياه ومتاعبها ان تحيد الوسائل عن الاهداف


ويقول العلامه الشيخ محمد الغزالى رحمه الله

فإن تجدد الحياة ينبع قبل كل شيء من داخل النفس.والرجل المقبل على الدنيا بعزيمة وبصر لا تخضعه الظروف المحيطة به مهما ساءت، ولا تصرّفه وفق هواها. إنه هو الذي يستفيد منها‘ ويحتفظ بخصائصه أمامها، كبذور الأزهار التي تُطمَر تحت أكوام السبخ، ثم هي تشق الطريق إلى أعلى مستقبلة ضوء الشمس برائحتها المنعشة!! لقد حوّلت الحمأ المسنون والماء الكَدِر إلى لون بهيج وعطر فوّاح.. كذلك الإنسان إذا ملك نفسه وملك وقته، واحتفظ بحرية الحركة لقاء ما يواجه من شؤون كريهة، إنه يقدر على فِعل الكثير دون انتظار أمدادٍ خارجية تساعده على ما يريد.

انتها كلام الشيخ

ومن الضرورى ان نذكر ايضا ان من اسس التدين السليم تجديد العهد مع الله من حين لاخرفهو فى معناه تجديد الحياه

قال رسول الله صلى الله عليه وسلم

: (إن الله يبسط يده بالليل ليتوبَ مسيء النهار، ويبسط يده بالنهار ليتوبَ مسيء الليل)

ثم إن كل تأخير لإنفاذ منهاج تجدّد به حياتك، وتصلح به أعمالك لا يعني إلا إطالة الفترة الكآبية التي تبغي الخلاص

منها، وبقائك مهزوماً أمام نوازع الهوى والتفريط

ويقول ايضا الشيخ محمد الغزالى

إن الإنسـان أحـوج الخلائق إلى التنقيـب في أرجاء نفسه وتعهد حياته الخاصة والعامة بما يصونها من العلل والتفكك.ذلك أن الكيان العاطفي والعقلي للإنسان قلّما يبقى متماسك اللبنات مع حِدّة الاحتكاك بصنوف الشهوات وضروب المغريات.. فإذا تُرك لعوامل الهدم تنال منه فهي آتية عليه لا محالة، وعندئذ تنفرط المشاعر العاطفية والعقلية كما تنفرط حبات العِقْد إذا انقطع سلكه.. وهذا شأن (مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا)والنفس الإنسانية إذا تقطّعت أواصرها، ولم يربطها نظام يُنسق شؤونها ويركز قواها، أصبحت مشاعرها وأفكارها .كهذه الحبات المنفرطة السائبة لا خير فيها ولا حركة لها.

واخيرا


ما أجمل أن يعيد الإنسان تنظيم نفسه بين الحين والحين، وأن يرسل نظرات ناقدة في جوانبها ليتعرّف عيوبها وآفاتها، وأن يرسم السياسات القصيرة المدى والطويلة المدى ليتخلص من الشبهات التي تُزرى به.

11 June 2007

. .عابر سبيل........... انا غلطان حقك عليا

اعترف
قول
انا غلطان
ايوه دى من اهم مشاكل العصر ان الواحد ميقدرش يقول انا غلطان
مع ان نصف مشاكلنا تتحل بكلمه معلش انا غلطان حقك عليا
والعجيب ان اول من جادل فى الموضوع ده ابليس عليه لعنه الله
عندما قال الله له اسجد لادم بداء الجدال عشان يقول ان مش غلطان
ولو كل واحد افتكر كده المشاكل او الخصومات الى بينه وبين صحابه وقريبه
هيلاقى انها كلها كانت عيزه بس اما انه هو يقول انا غلطان او صديقه يقله حقك عليه
وحكى لى واحد عزيز عليه جدا
انه كان مره سايق عربته فى الاسكندريه ثم
فجاه جاء واحد من اقصى الطريق الى ادناه وخبط عربيته
ونزل الراجل من العربيه رغم انه هو الى غلطان وبدا يزعق لصحبنا
انته مبتعرفوش تسوقو
انتم بس شيوخ على الفاضى
وعمل هليله
بس صحبى كان هادء جدا
وسابه لما خلص خالص
وقاله بزمتك
الى هتقف بيها امام ربنا
انا الى غلطان ولا انته
الراجل بعد مكان عامل هليله
بص فى الارض وقال
انا غلطان يعم الشيخ
وحقك عليه
وهات رائسك ابسها
وخلص الموضوع ببساطه
وفيه احيان كتير بنكون متاكدين اننا غلطنين
بس بنقول ازاى انا اقول انا غلطان لفلان
وايه المشكله
مهو مفيش حد معصوم من الخطاء
كلنا بنغلط
ويسلام لو شفنا المشاكل بين الازواج ربنا يا رب ما يجيب مشاكل ابدا
هنلاقى انها كلها كانت ممكن تتحل لو احد الطرفين قال انا غلطان وحقك عليه
ووالله اكيد بيكون طعمها حلو
ان الواحد يقول لزوجته انا غلطان وحقك عليه هو يعنى الواحد ميعرفش يدلع عليكى شويه
وكذالك الزوجه
والله يجماعه حولو تجربها وتقولو انا غلطان حقك عليا

31 May 2007

3abratalsabeel انتخابات مجلس الشورى

سلام عليكم ....بصوا بقى ...اايوة انتوا كلكم ...ياللى بتكتبوا هنا
زى ما انتوا عارفين او مش عارفين ..انا كنت قايلة فى مشروع فى دماغى عايزة اعمله وانتو تشاركوا فيه
وبماانى مش قادرة اصبر على ما الامتحانات تخلص قلت استغل ان فى انتخابات دلوقتى وانفذ المشروع وبالمرة اخد رايكم

طبعا انا مدير الادارة هنا او الرئيس :) لذلك هقدملكم اقتراح بقانون ولازم توافقوا عليه
مبادرة السيد الرئيس عابرة السبيل :
اقترح عليكم ايها الاعضاء المبجلين ان يتم عمل انتخابات لمجلس الشورى للمدونة بتاعتنا ...للمصلحة العليا للمدونة
يعنى ايه الكلام ده؟ يعنى انا احترت...مين اللى يبقى المدير هنا ...وقلت طيب ما نبقى كلنا مديرين للمدونة
انا وعابر السبيل ومى ومغازى بما اننا كلنا بقينا اصحاب المدونة مش ضيوف
وفعلا لو دخلتم على المدونة بالاكونت بتاعكم هتلاقيكم كلكم بقيتم مديرين ليها
بس مش عارفة هل انتم موافقين ولا لا ...تامشيا مع روح الديمقراضطيةاللى سايدة البلد دلوقتى قلت نعمل انتخابات اللى عايز يبقى المدير معايا بيتفضل بتقديم طلب عليه عشر طوابع بوسطة ويقدم ورقة فيها امضاء خمسين الف واحد من الشعب على انهم مؤيدين ليه
وانا هنظر فى الطلبات وهقرر مين ممكن يشارك فى الانتخابات

بعد ما تقولولى رايكم فى الاقتراح ده هنشوف مين عايز يبقى المدير ونكمل الانتخابات ان شاء الله
حد هيسالنى سؤال ...ايوة باين اهو السؤال فى عنيكم ...طيب خلتينا كلنا مديرين ليه دلوقتى ؟
هقولكم علشان يبقى عندكم فكرة بمسؤليات الادارة وتحسوا قد ايه انا بتعب وومش عارفة انام من تانيب الضمير انى مقصرة فى حقكم وحق المدونة ...

حد هيسالنى سؤال تانى ...اشمعنا انتخابات مجلس شورى ؟
هقولكم لانى هفضل المدير هنا ...يعنى كلمتى فى الاخر هى اللى هتمشى ...وطبعا لازم اكون انا صاحبة المبادرة دى علشان اضمن تاييد الناس ليا ..امال ايه ...كله علشان المصلحة العليا للمدونة

اسيبكم تفكروا بقة وانتو احرار ...بس اى تغيير ولا تخريب فى المدونة هيبقى ليه رد جامد قوى ...اه انتوافاكرين انى علشان اديتكم الادارة دلوقتى يبقى هسيبلكم المدونة كده تعملوا فيها اللى انتوا عايزين ...لااااااااااااااااااا مش انا

سلام عليكم

28 May 2007

عابر سبيل ............. التدين المزيف

التدين المزيف
نعم هناك تدين مزيف
فى وجه نظرى ان الدين مجموعه من الاخلاق الحميده وكذالك مجموعه عبادات
(ففى العبادات مثل (الصلاه والصوم والزكاه والحج
لا خلاف انها تمثل عند اغلب الناس كون من يواديها متدين ام لا
واعتقد ان هذا فهم خاطء للدين فلا يمكن فصل هذه العبادات ابدا عن خلق صاحبها
فقد قال رسول الله صلى الله عليه وسلم انما بعثت لاتمم مكارم الاخلاق
وقد يكون المسلم دعوه لغيره من غير المسلمين بخلقه
فنجد الاسلام قد انتشر فى افريقيا كلها بسبب حسن خلق التجار العرب الذين كانو يتاجرون مع اهل هذه البلاد
وليس معنى كلامى انه بالخلق وحده يتم الدين لا بل بالاثنين
فلا يمكن ان نقول ان انسان متدين لحسن خلقه وهو لا يصلى مثلا
وفضلا عن ذالك اننا فى معظم احوالنا نفصل الدين عن الحياه العمليه التى نعيشها
وهذا من اكبر النكسات التى نمر بها فمثلا من يقول ان لا دين فى السياسه ولا سياسه فى الدين
فهذا فهم خاطاء تماما للدين فقد جاء النبى صلى الله عليه وسلم قائدا واقتصاديا وعسكريا
ونجد ايضا مجموعه ممن يغالون فى التدين وهذا ايضا تدين مزيف فقد ضل بنو اسرائل بسبب غلوهم فى الدين
وقد ثبت عن النبى صلى الله عليه وسلم انه ما خير بين امرين الا اختار ايسرهما
وللحديث بقيه ان شاء الله

عابر سبيل

اعمل ايه فى الموقف ده-عابر سبيل

بصراحه الواحد مش عارف يقول ايه انا اتحطيت فى موقف صعب جدا
صعب اوى لما تقول كلام انته مكنتش تقصد بيه حاجه وتلاقى اعز الناس ليك يفهم كلامك غلط
همه معزرين لان الكلام ممكن يكون ليه معنى مش كويس
بس برضه انا اعتقد ان المفروض الناس خصوصا الى بنهم معزه خاصه
ديما يفهمو المعنى الحلو
حد يقلى اعمل ايه دلوقتى انا فعلا محتار معنديش استعداد انهم يزعلو منى
همه بيقولو خلاص بس باين عليهم الزعل خالص
حد يفدنى ارجوكم

صحوت من غفلتى -عابر سبيل

صحوت من غفلتي بعد زمنٍ طويل من النوم العميق
وجدت نفسي في وسط طريقٍ لم أكن لأرسمه لنفسي
ووجدت نفسي داخل نفسٍ غير نفسي
ونظرت عن يميني ونظرت عن شمالي
فرأبت الناس غير الناس
والحال غير الحال
والزمان غيرالزمان
فتعجبت فنظرت ودققت لعلي أستوضح ما قد وقع
فلم أعرف
فسألت نفسي ترى ماذا حدث
أتغيرت الناس
أتغيرت الأحوال
أتغيرت
أتغيرت الأزمان
فإذا بصوتٍ بعيدٍ قريبٍ من داخل نفسي يجاوبني
لم تتغيرالناس
لم تتغير الأحوال
لم تتغير الأزمان
ولكن تغيرت أنت
يا انسان
قلت لها يا نفس
كيف تغيرت وأنا في نفس المكان
في نفس الزمان
على نفس الحال
فمن أين جاء هذا
التغيير
في الأحوال؟
قالت لي
أما علمت
أما رأيت
أما أبصرت
قلت لها لا
ماذا حدث
قالت لي أيها الانسان الوليد من جديد
لقد حدث ما قد وعدك ربُ العالمين
وما كنت من زمنٍ تريد
لقد منّ الله عليك بنعمة التغيير
مصداقا لقوله العزيز في كتابه الكريم
"إن الله لا يغير ما بقومٍ حتى يغيروا ما بأنفسهم"!
فهنيئا لك أيها الانسان الجديد
وأعمل ليومٍ لرب العالمين أنت ملاقيه

26 May 2007

السلام عليكم - عابر سبيل

السلام عليكم ورحمه الله وبركاته
طبعا دى اول مشاركه ليا فى المدونه المصونه وبرضه ممكن تكون اول مشاركه ليا فى المدونات عموما
انا بس حبيت اقول لصاحب المدونه شكرا على الدعوه الغاليه
وبرضه اقول للناس الى بتكتب فى المدونه لو يرضو يقبلونى معاهم
وان شاء الله اكيد انا هستفاد منهم خصوصا وانا بحب الكلام فى السياسه شويه

22 May 2007

3abratalsabeel خد باااااااالك

الرسالة دى وصلتلى يا جماعة وانا نقلتهلكم زى ما هى

مش عارفة اعمل حاجة غير كده

سلام عليكم


This IS NOT a waste of your time. check the websites

for urself!



هذه الرسالة مهمة و خطيرة، تأكد من المواقع بنفسك


Please send this message to all your contacts!!!

الرجاء ارسال هذه الرسالة لكل من تعرف


Beware of the following websites:

انتبهوا من هذه المواقع على الأنترنت:



These sites have been developed by the Jews


هذه المواقع تم تصميمها من قبل اليهود (لعنهم الله)...


Who Intentionally spread wrong information about the QURAN , the HADITH and the Islam



وهم ينشرون معلومات خاطئة جدّاً عن القرآن والسنة والأحاديث النبويّة الشريفةوالإسلام



Please spread this information To all the Muslim brothers and sisters around the world
.


أستحلفكم بالله أن تنشروا هذه الرسالة لكل المسلمين في العالم (احموا الإسلام من الغزو الصهيوني)




Always check the source of any Islamic web site even if it is very convincing


تأكد دائماً من مصدر المواقع التي تتحدث عن الإسلام



هذا الموقع يباع فيه نسخة محرّفة كاملة عن القرآن الكريم تم تأليفه من قبل اليهود والأمريكان الحاقدين (لعنهم الله وأدخلهم نار جهنم خالدين فيها)




The new AMERICAN Quran: a dangerous trick A new Quran
is being distributed in Kuwait , titled " The True
Furqan ".


المشكلة العظمى أن هذا الكتاب بدأ انتشاره في الكويت بإسم (الفرقان الحق)



You Cant Ignore this, send it to as many muslims as u can .


أستحلفكم بالله أن لا تهملوا هذه الرسالة، أنصر الإسلام ولو برسالة

(الهم عليك بالظالمين، الهم عليك بالظالمين، الهم عليك بالظالمين، الهم عليك بالظالمين)

(الهم خذهم أخذ عزيز مقتدر يارب العالمين... الهم خذهم أخذ عزيز مقتدر يارب العالمين... الهم خذهم أخذ عزيز مقتدر يارب العالمين... )

12 May 2007

ahmed moghazyالعمــــــــــــــــــران المخيــــــــــــــــــف

دائما ما اتعجب من القاهرة , وأحيانا كثيرة أشفق على أهلها ومن يعيشون فيها
إنها شىء مرعب ومخيف , ولا أخفى عليكم إننى فى كل مرة أذهب فيها إلى القاهرة أشعر بشىء من الخوف والقلق

هذا التجمع السكانى الرهيب فى مدينة واحدة , أكثر من عدد سكان الخليج كله يتقوقعون فى شوارع واحدة , تخدمهم طرق واحدة , فى الصباح يلتهمون ملايين الاطنان من الأطعمة , وملايين الأمتار المكعبة من المياة بكل أنواعها
يلقون إلى الشوارع آلاف الاطنان من القمامة

اجتماعيا
فى القاهرة تجد كل أنواع الجرائم والتى لا تخطر على بال بشر , سرقة , قتل , دعارة ,مخدرات , إستغلال جنسى , أطفال شوارع ......الخ
حتى أعصاب الناس هناك دائما متوترة , أحيانا أخاف أسال أحد منهم عن أى شىء لاننى لا أتوقع ان يكون الجواب غير مقترن بأى شىء آخر
عندما أرى أعداد الشباب القاهرى وهى تخرج من المدارس والجامعات , ملايين من العرائس والعرسان, أسال أليس من المفروض أن يكون لكل من هؤلاء شقة وأسرة ؟ فأين إذا سيتاح لهم ذلك؟
إن السكن غير موجود أصلا , وحتى إن وجد , فمن ذا الذى يملك أن يدفع إيجار الشقة ولا أقول يشتريها؟

إن الشباب فى القاهرة والشابات يواجهون أصعب شىء فى حياة الإنسان , وهو أن تشعر أن مستقبلك يتحطم ويضيع منك لأنك فقط ولدت فى مكان لا يتيح لك سبل الحياة الكريمة

لم نسمع عن سكان المقابر إلا فى القاهرة
لم نسمع عن أطفال الشوارع إلا فى القاهرة

بيئيا
اذا أردت أن تعرف كم هى ملوثة القاهرة ما عليك إلا أن تقترب من أى شجرة فى أى شارع وحاول أن تضع يدك على أوراقها ,ثم انظر فى يدك بعدها
ولكن لاتحاول أن تهز إليك بجزع الشجرة لأنك ستمطر بوابل من الأتربة والعوادم ربما لن يعرفك أقرب الناس اليك بعدها

فى الشتاء رأينا السحابة السوداء
وليل القاهرة كما نعرف أصبح بلا نجوم
فلا يستطيع أحد سكانها أن يرى النجوم جهرة

فى الصيف اتحدى اى إنسان أن ينزل الشارع فى وقت الظهيرة
ملايين السيارات تلقى العوادم فى الشوارع
حوالى عشرين مليون إنسان يتنفسون فى مكان واحد ضيق
مئات الالاف من أجهزة التكييف تلقى فى الشوارع الهواء الساخن لتزيد الجو لهيبا

المواصلات كلها فوضوية , كل شىء بلا ترتيب

الكارثة الكبرى
دائما ما أسال نفسى سؤال يلح على فكرى
ماذا سيحدث إذا ضرب القاهرة زلزالا من نوعية زلزال تركيا أو زلزال إيران ؟
عندما أتخيل ماسيحدث أشعر بانقباض فى قلبى

ستكون الكارثة أكبر من ان يتخيلها أى عقل بشرى
ستكون أكبر من الدولة ومن الجيش ومن المساعدات الاجنبية
الضحايا سيكونو بالالاف
الكثير من مبانى القاهرة متهالك , العمارات متلاصقة, الشوارع ضيقة للغاية , السكان فى كل مبنى كثيرين جدا
كيف إذا ستصل أدوات وفرق الإنقاذ ؟
بصراحة العمران هكذا عمران مخيف ومرعب
المدن بهذا الشكل مدن تدميرية لأهلها

اهربوا يا سكان القاهرة , اخرجو خارج هذا القمقم ستجدون أن هناك شىء اسمه الهواء النقى , وهناك خضرة , وماء

ولكن اطلب من الرئيس اولا ان يخرج وسيخرج الناس وراءه
مش عارف هو قاعد فىالقاهرة ازاى؟