01 April 2007

3abratalsabeel هو انتى اللى كاتبه الكلام ده ؟!!!!!!!!

السؤ ال دهاتسألته لغاية دلوقتى ييجى اربع خمس مرات وكل مرة اسمعه بطريقة واسلوب مختلف رغم انه بيتكون من نفس الحروف والكلمات ............اخر مرة كان السؤال بالطريقة دى : هو انتى اللى كاتبة الكلام ده ؟ ولا ده
يعنى قص ولزق copy&paste نظام
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

سؤال استفزنى جدا .... بس لما قعدت افكر مع نفسى ،لقيت ان اللى سألوه معزورين برضه، مهو رغم انهم يعرفونى من سنتين وتلاتة لكن ما حدش فيهم قدر يفهمنى صح ولو مرة واحدة وده مش زنبهم لكن احنا بقينا فى زمن ما حدش فاضى يفهم حد

مش عيب ولا غريب ان الواحد مايقدرش يوصل افكاره بالكلام ، لكن الغريب ان الواحد لما يقدر يوصل افكاره بالكتابه الناس تستغرب وتسال : هى دى عابرة السبيل اللى نعرفها ؟ او انهم يشكوا ان الكتابة دى مش كتابتى
حقيقى انا اللى استغربت
:(

السؤال ده عامل بالظبط زى ما حد يجى يقدم ولاده لواحد صاحبه ما شفهوش من زمان ويقوم صاحبه ده يسأله : ويا ترى انت متجوز بقى ؟

واللى يخلى الواحد يضحك ان فى ناس كانت عجباها المدونة قبل ما يعرفوا من اللى بتكتب فيها .......بس بعد ما عرفوا اختفوا ولا بقوا يقولوا اى حاجى عن المدونة ........ حاجة غريييييييييييييييييبة

وصلت من هنا ان دايما الناس بتبنى رايها عن الشخص بالشكل بس ....وصلت للتفسير ده من انى رحت فى مرة وانا فى الكلية بصيت لنفسى فى المرايا وعرفت السبب ......
يا جماعة ان كان شكلى يوحى بانى شايله طاجن البامية بتاع تيته فوق راسى فده شكلى .... انا كده ...خلقتى كده ... وبصراحة مش عارفة انتوا ليه استغربتوا لما قريتوا كلامى فى المدونة !!!!!!!!! حد جريء كده يرد على سؤالى ده بس من غير ما يعرفنى هو مين ......
انا مش زى حكومتنا الشفافة اوافق ان يبقى فى معارضة مسموعه فى البلد .... انا يا دوبك ممكن اعرف ان فى حد بيعارضنى بس احسنله مايقولش هو مين عشان انا بقة زعلى وحش ....

سلام عليكم

3 comments:

Ahmed Moghazy said...

اية عابرة السبيل , مين بس اللى مزعلك للدرجة دى , هدى نفسك شوية ,مش كدة ,الدنيا فيها كل الناس , العاقل واللى نص ونص واللى بيهتم بالشكل , واللى مايعرفش غير المكياج وكريم الاساس والاى شادو eye shadow
لكن اللى بيبقى هو الفكلر والعمل , انت شفتى عمر بن الخطاب ولا على بن ابى طالب ولا حتى فرعون وموسى؟ تعرفى شكل حد فيهم؟ لا طبعا
لكن اعمالهم هى الباقية

may said...

السلام عليكم
اية يا عابرة السبيل هدى اعصابك شوية مش كدة و بعدين انا عارفاكى كويس و عمرى ما شوفت طاجن البامية اللى بتقولى علية دة و بعدين انا مبحبش البامية اصلا و مادام قررتى تكتبى مدونة و كمان بصوت عالى يبقى تستحملى و ما توجعيش دماغك
و السلام عليكم

spiderman said...

ايه الكلام اللى انت كتباه ده ...هم مين الناس دى .دى اكيد ناس غيرانه منك او متغاظين انهم مش بيعرفو يكتبوا زيك وكده ولاكده سيبك منهم واكتبلنا بقه كلامك الحلو اللى انت حرمانه منه من زمان وان كانوا هم مش بيبعتولك هم الخسرانين...........انا مش عارف اكتب اسمى فين على العموم هاكتبه هنا عشان اضمن انه يطلع ....مع السلامه......spiderman