14 March 2007

3abratalsabeelالخوف من المجهول

تحزير هام : قبل ما حد يقرا اى حاجة .......... اى حد عنده اكتئاب او عنده ميل للاكتئاب او بيفكر انه ينتحر ما يقراش الكلام اللى جاى , واصحاب القلوب الرهيفة واللى قلبهم قلب خساية واللى دمعتهم قريبة انا بقولهم المناديل على حسابى النهاردة . انا حزرت اهو عشان ماحدش بعد كده يدعى عليا



اللهم بلغت اللهم فاشهد












الخوف من المجهول


يخطر فى بالى سؤال ... لماذا الخوف من المجهول ؟ الانه مجهول؟ ام لتوقعنا الشر فيه؟ واذا ما كان المجهول فيه الشر... اونرهق انفسنا من خوف قد يصل الى حد الجنون؟ ام علينا ان نسعى جهدا الى اتقاء كافة السبل التى قد ياتى منها الشر؟!! اولن ياتى هذا المجهول فى يوما ما ليزعجنا ويشتت ازهاننا ويدمر احلامنا؟ .. اذا فلنحيا بعيدا عن الخوف .


اوقن ان الحزن , لا ليس الحزن بل الخوف , الخوف يملأنى يسرى فى بدنى ويقشعر قلبى كالثلج ....وسؤال يملؤنى رعبا ...... اهناك جديد ينظرنى ؟؟؟ ام ان الحال كالحال السابق لا يعنى بتغيير البال؟







النوم يثقل جفنى ....كاذب من قال بان النوم سلطان .....قد تغمض عينى لتنام لكن لب فؤادى ومخ عقلى يتفتح يخرج ما يخفيه الدهر والازمان ...يسكننى فكر جبار يجلو بين الحينة والاخرى كاشعار ...يتفتح عقلى كالازهار اه والازهار فهى قصة لاتمل الاعين قراتها



مالى لا ارغب فى النوم ؟!! ادرك ان هناك كثير الاقوال تحاول ان تعلو فوق الصفحات ولكن.....هيهات ان اعرف اسراركتاباتى ....هيهات ان اسبر غور افكارى او ان انتشل غموض كلماتى



يتثاقل راسى يمنعنى ان اكمل خطراتى ... فلننهى حديثى بلا فائدة تزكر.... اتمنى لو اعلم سر عزابى فارتاح



اعلم ان السر هو الخوف , بل ان الخوف لمغوار ... يقتحم اسوار القلب ويعتلى اعلى حصونه... فيموت القلب .. يموت القلب ويصبح عقلى غنيمة خوفى .... يستصرخنى قلبى يستنجد بى ... افاجيبه ام اتنازل عن حقى فيه؟ ساموت فى يوم ما ... فليحيا قلبى معى حتى الممات .... لن استسلم لمخاوف لا داعى لها.... لن يسلبنى الخوف ارادتى ... سوف اواجه خوفى واقف امامه لاكمل سيرى فى الحياة .



ان كان الخوف سيتملكنى اليوم فساصبح امة لغدى ... لا... لا لن اخشى من يومى ...لا لن اترك الخوف يسطير علي....وسياتى الغد وانا حرة ...لا لن ياتى الغد ليستعبدنى ...ااترك خوفى يحتال علي؟!! لا.... ساكون انا المحتالة.... ااخاف من الغد وبيدى اليوم؟ !!!! فليأتى الغد بما ياتى به فانا لن انتظر قدومه







كل يوم له شمس جديدة تسطع فى سمائه وتعلو ثم تدنو وتختفى .. ويهل القمر ليلا .. اما ليل طويل او قصير .... الكل يمضى..... فليمضى الخوف ان كان الغد سياتى ومعه الخير فمرحبا به, وان كان سياتى الغد ومعه الشر فتعسا له, لن يكون الشر الضيف الاول على طاولتى ولن تطول ضيافتى له ... فسيمضى كما اليل يمضى , وستشرق شمس من جديد ... شمس يعلم خالقها وقت مغيبها.... ساعيش يومى واتملكه .... ساعيش يومى بلا خوف ....بلا مجهول ..... بلا استعباد





بـــــــــــــــــــــــــــــــــس خــــــــــــــــــــــــــــــلاص





حد بقى يقولى مش فاهم معنى الكلام .... عموما هو الفيلم كده من غير ترجمة


سلام عليكم

3 comments:

Ahmed Moghazy said...

انا مستغرب جدا يا عابرة السبيل ,أولا انا مش مصدق ان لسة فيه شباب وشابات عندهم الاسلوب الادبى الرائع دة فى الايام دى,فعلا بدون اى مجاملات انت عندك موهبة ادبيةرائعة وقدرة على التشبيه والتعبير مختلفة وسهلةرغم بلاغتها وعمقها
دا من حيث الشكل,اما المضمون مش عارف اية السبب اللى يخلى انسانة فى عمر الزهور زيك تحس بمشاعر خانقة ومشاعر خوف مجنونة زى اللى كتبتيها, وهقلك حاجة بسيطة جدا: عارفة حياتنا دى اية؟
مجرد لحظة ,حياتى اناهى اللحظة اللى انا بكتبلك فيها دلوقتى , و حياتك هى اللحظة اللى بتقرى فيها تعليقى دة. لان اللحظات اللى فاتت للتو اصبحت ماضى ولن تعود الى يوم الدين , ولن نستطيع ارجاعها لعمل شىء نتمنى ان لو كنا قمنا به, او لالغاء عمل قمنا به كنا نتمنى اننا لم نقم به
اما اللحظات الاتية فهى المستقبل الذى سيأتى شأنا أو ابينا . فلا داع لكل تلك المخاوف المفزعة من مجهول كما سميته

Sanaa El-Banna said...

عابرة سبيل ,عاجبنى كلامك لسبب رئيسى
إنى يا بنتى جفكرت فى اللى انت بتقوليه ده من زماااااان .من وانا عيلة .ماتسأليش كنت وقتها عاملة إزاى .انا من كتر الاستغراق فى التفكييير العمييق ,كنت تقريبا لا أتحدث الى البشر .كل اللى كان بيطلع منى سلام عليكم وعليكم والحمد لله وعليكم السلام .بس !
على فكرة أنا لحاد النهارردة عندى أسئلة كتيير من النوعية دى ,بس ممكن تحسى بنهاية لسؤالك ده -فى حالتى -على اللينك ده
http://sanaa86.blogspot.com
فى بوست :خواطر
آه بالمناسبة يا بنت
اسمحيلى أضيفك عندى
السلام عليكم

3abratalsabeel said...

السلام عليكم

والله انا كتبت الكلام ده فى لحظة روقان كده يعنى انا لا اديبة ولا حاجة دول كام كلمة حبيت اطلعهم للنور مش اكتر.

يا سنااااااااااء كلامك بجد هو اللى فيه حس ادبى ورقيق جدا ومش هنقعد بقة نشكر فى بعض على البلوج لحسن حد يفتكر اننا متفقين على كده... الناس هتزهق، خليها بينى وبينك احسن

انا مش خايفة والله يا جماعة انا مسلمة امرى الى الله ... انا كنت عارفة ان كل اللى يعرفونى هيقولوا كده بس بجد انا كويسة ما تخافوش انا لسه بعقلى .

كلامك صح يا مغازى بس لما ساعات الواحد يكون مستنى حاجة تحصل وما يعرفش نتيجتها هتبقى عاملة ازاى بيبقى خايف بس بنتوكل على الله ... الحمد لله