19 April 2007

يــــــــــــــارب

يارب ..ساعدنى
عندما أشعر أننى أتألم فوق طاقتى
أو أرى ظروف الناس أفضل من ظروفى
أو أعتقد أن الفشل يطاردنى
أو أصدم لأن أحلامى تتبخر بعيدا عنى
أو أرتعب لأن اليأس يلوح فى أفقى
أو أخاف لأن الشر ينتشر
من حولى
يارب ساعدنى
أن آتى إليك بضعفى
وحيرتى وألمى
وأدرك أنك - رغم عدم استحقاقى -تحبنى
وتهتم بى
وتدبر كل الأمور لخيرى
يارب ساعدنى
أن استعيد ثقتى بنفسى
وأن يمتلىء بالرضا قلبى
ويلهج بشكرك لسانى
يارب

12 comments:

safa7_karmooz said...

يارب

الوحيد اللى بيبقى معانا دايما ...فى ضيقتنا ..وحزننا

بس نفسى نفضل عالطوول نناجى ربنا ...فى الفرح والحزن....

جميلة

تحياتى

اه ملحوسة

اسمى سفاح كرموز :D

may said...

السلام عليكم
اية يا مغازي مالك مكتئب كدة لية كل دة م البوستات بتاعة تخلف العرب و المسلمين ماانا قولتلك مافيش فايدة اديك فضلت تكتب ف الموضوع لحد ما جالك اكتئاب و انا اللي كنت بقول مغازي متفائل عنى ، بقولك اية كشكشها ما تعرضهاش لحسن ما ينفعش يبقى فية اتنين متشائمين ف البلوج بعدين الزباين يطفشوا و احنا ما صدقنا
اقولك خليك مع الله وانت تستريح
و السلام عليكم

Ahmed Moghazy said...

بس انت مقلتش انت مين يا
safa7_karmooz
وكمان عامل 3 مدونات , طاب نتابعك على انى واحدة؟
ركز فى واحدة علشان نقدر نتابعك

وشكرا على الزيارة والتعليق

Ahmed Moghazy said...

متخافيش يا مى
مش انا اللى مالف الكلام ده
انا لقيته فى مجله , فعجبنى , قلت انشره
انا والحمد لله قريب جدا من ربنا
وايمانى بقدر الله كبير
متخافيش متفائل على طول
وكل مشكلة لها اكتر من حل
اخوكى ميعرفش المستحيل
ودماغه مبيبطلش تفكير فى كل شىء جديد
بس انت من زمان مكتبتيش
لية كدة؟
عايزين حاجة من ايدك

may said...

السلام عليكم
انا قولت برضة مش ممكن يكون مغازي المتفائل قلب فجأة كدة ، طيب مش لما الكلام دة منقول مش تراعي الامانة العلمية اية ما اتهرتش م الكلام دة في كليتنا المصونة
بخصوص بقى اني بقالي كتير مكتبتش و الله مش فاضية كل سنة وانت طيب بقى اخر ترم و تسليم ابحاث ما انت عارف و مزنوقة تمام يعني بس اول ما افضى مش حاحرمكو مني ادعو انتو بس
و السلام عليكم

my sold said...

اهلين احمد

رفع الله همك واسكن بقلبك الراحه

الدنيا قل بها الراحه لكن سلاحنا فيها هو الايمان و التوكل على الله

ان شالله يدوم فرحك وراحتك

:)

Ahmed Moghazy said...

may
والله يا مى انا دورت كتير عن اللى الف الدعاء بس للاسف ملقوش
طبعا الامانة العلمية هى خلتنى اعترف انه مقتبس
متخافيش مش هكتب كلام مش بتاعى وانسبه لنفسى
شدى حيلك علشان خلاص الترم قرب يخلص
بس انت مقلتيش انت قسم اية؟
لان كل قسم ليه دعوة مختلفة
امال اية ؟
هى الحكاية بسيطة ولا اية؟
بس انت اكيد مع عابرة السبيل فى نفس القسم صح؟
هنستنى بس علشان الامتحانات
لكن بعد كدة مفيش غذر

my sold
انا سعيد جدا بزيارتك للمدونة
وياريت تبقى تبصى على المدونة الثاتية كمان
we can

وعايزين قصص جميلة كده على طول على مدونتك

may said...

السلام عليكم
زعلتني يا مغازي بقى نبقى ولاد مدونه واحدة و ماتبقاش قريت البروفايل بتاعي لحد دلوقتي ع العموم انا قسم سياسة زي عابرة السبيل ملكش حجة بقى عرفت القسم و عليك الدعوات بقى
و السلام عليكم

david santos said...

Thanks for you work and have a good weekend


اشكركم عمل جيدة ونهاية الاسبوع

Ahmed Moghazy said...

الحق على عابرة السبيل
هى اللى المفروض كانت تعرفنا على بعض
دى بقت فضيحة على المدونة
مشتركين فى المدونة ومش عارفين حاجة عن بعض؟

منك لله يا عابرة السبيل
كدا النفوس بدأت تتغير فعلا
افرحى يا مى
احلامك هتتحقق
الدعوة بنص جنيه
امال , شوفى بقى لسة هتوضى وادور على اسامى الدكاترة واسامى امهاتهم علشان ادعى عليهم الاول قبل ما ادعيلك
لان دفع الضرر مقدم على جلب المنافع
ههههههههههههههههه


..........................
Mr David

thank u for ur visit
keep close

may said...

السلام عليكم
شوف بقى يا مغازي مادام دخلنا في الجد يبقى مش هادفع في الدعوة اكتر من ربع جنية يعني لما ربنا يستجيب دعاك ع الدكاترة انا اللي هاستفيد لوحدى لازم عابرة السبيل تدفع هية كمان مش كفاية المية اللى مغرقالنة بيها المدونة و انا مابعرفش اعوم
و بالنسبة لموضوع الفضيحة الغاشمة التي حدثت في المدونة هانعديها و نقيدها ضد مجهول هههههههههههههههه
و السلام عليكم

Ahmed Moghazy said...

ماشى يا مـــــــــى
امرنا لله ربع ربع
بس انا مش عارف عابرة السبيل هتدفع ولا لأ؟
عليكى تلمى منها ومن الدفعة كلها وبالنص

ايوة
ههههههههههههههههه
عابرة السبيل غرقتنا فى المية
عايزين ننتشلها من الشبر المية لتفضحنا

وابقى تعالى على نفسك وانزلى اشتريلها جيبة وبلوزة
البت مش نافعة خالص كدا