02 April 2007

MAY احنا عايزين اية ؟


المشهد التمثيلى : الاسرة على وشك الانهيار و الضياع ،الاب سيترك المنزل و يتخلى عن زوجتة و اولادة

الاخ المثقف يسال : احنا عايزين اية فى المصيبة اللى احنا فيها ؟

الاخ الكبير الفاشل : انا عايز ربع جنية و اتكل على الله

الاخ الصغير السلبى : انا عايو صندل و جلبية

المشهد الواقعي : مصرنا المحروسة تنحدر و تهوى و تتعثر و تغلى و حالتها بالبلة

شخص عاقل -مش انا طبعا- يسال : احنا عايزين اية فى المصيبة دي ؟

اجابة : انا عاوزة اتجوز و اقعد فى البيت

اجابة : انا عايز اسافر برة

اجابة :انا عايز اطمن ع العيال

كل واحد بيفكر فى نفسة ما حدش بيفكر فى مصر مع انها اهم حاجة فى حياتنا و لو ضاعت كلنا هنضيع كل واحد بيحلم باحلام خاصة ينفع يحققها اوحدة انما مصر مش هاينصلح حالها من غير ال75 مليون

الحل التمثيلى : اجتمع البناء من اجل منع انهيار البيت و ضياع الاسرة لانهم عرفوا اخيرا همة عايزين اية عايزين البيت و الاسرة و الامان .

الحل الواقعى : لازم نعرف احنا عايزين اية ؟ عايزينها ديمقراطية ولا اسلامية ولا مهلبية عايزين مبارك ولا حد تانى

فى رايي المتواضع مصر مش هاتتصلح الااذا كان كل واحد عارف هوة عايز اية زى ما هوة عارف اسمة

و السلام عليكم

8 comments:

spiderman said...

هى دى المشكله فعلا يا مى الناس فى بلدنا كل واحد بيقول يلا نفسى وعشان كده احنا مفروض لو عايزين نتصلح نغير الشعب والحكومه والبلد كلها ..وده فعلا اللى بيحصل الشعب وسايبينه ياكل فى نفسه والامراض تنهشه لحد ما نخلص منه ويبقى قضاء وقدر والحكومه بقى مش مخليه فى جهدها جهد شغاله تغير في لدستور وبتغير اماكن الوزراء من هنا لهنا ..ال يعنى تجديد يعنى..اما البلد فالحمد لله بنبيع فيها للى يدفع اكتر ومش مهم مين ولا هيعمل بيها ايه ولا الناس اللى فيها هيروحوا فيين اه افتكرت الناس هتكون خلصت معلش نسيت ...على العموم ربنا ارحم على عباده منهم على نفسهم ...........ارحمنا يا رب........

3araby said...

برافو يا مى انتى فعلاً عبرتى عما يجول برأس معظم شباب مصر وممكن أقول انا كنت منهم وكنت بفكر اسافر و اسيب البلد .

بس انا مقدرش ابعد عن جمال ليل القاهرة ونهر النيل و شاظئ اسكندرية .

أنا اللى عايزه ان بلدى تكون فعلاً أحسن بلد فى العالم بجد ومش كلام البيت بيتك وغيره .

فعلاً لازم على كل شاب انه يحب بلده أكتر من أى حاجة تانية حتى نفسه .

haitham tab3y said...

السلام عليكم...بسم الله ما شاء الله يا مي بجد المقال عجبني جداااا واثر فيا جداااا...حسيتك قلتي كل اللي جوايا باقل عدد ممكن من الحروف والتعبيرات
وربنا يزيدك علم ودين بس انتي قسم اية يا مي ؟؟؟ اتمني تكوني اقتصاد احسن حال البلد نايم خالص فعلا ومحتاجين حد يعدله ويكون قلبه عليها
هيثم التابعي

may said...

يا spiderman عندك حق و الله البلد دى عايزة عمرة فى كل المجالات و عايزة شوية تعاون بين اهلها لو اهلها اتعاونو اكيد هايبقى في امل ان شاء الله بس انت ما تيئسش
و السلام عليكم

may said...

السلام عليكم
اولا انا عاجبانى مدونتك بس معلش انا اهلوية
ثانيا اشكرك مرتين الاولى عشان قولتلى برافو و التانية عشان ما سافرتش و سيبت البلد لو كل شاب اتمسك ببلدة زيك ان شاء الله الحالة تتصلح
و السلام عليكم

may said...

السلام عليكم
يا هيثم انا اول ما قرات كلامك انبسطت بس مش عارفة لية جيت ف الاخر عكيت ماله بقى قسم سياسة انا مش فاهمه يعنى همة بتوع اقتصاد اللى هايصلحو البلد و بتوع سياسة همة اللى هايخربوها صحيح همة خاربينها بالفعل بس لسة في امل م الاخر يؤسفنى اقولك انى قسم سياسة
و السلام عليكم

safa7_karmooz said...

وانتى عاوزة ايه بقى ؟؟؟

احنا بنرد على اجابة السؤال

بس فين اجابتك انتى؟؟؟

may said...

السلام عليكم
اولا : حضرتك ماجاوبتش ع السؤال و لا حاجة
ثانيا : لو مصمم تعرف اجابتى فانا عاوزة مصر تبقى احسن دولة ف الدنيا و تاخد كاس العالم
ههههههههههههههههه
و السلام عليكم