12 May 2007

ahmed moghazyالعمــــــــــــــــــران المخيــــــــــــــــــف

دائما ما اتعجب من القاهرة , وأحيانا كثيرة أشفق على أهلها ومن يعيشون فيها
إنها شىء مرعب ومخيف , ولا أخفى عليكم إننى فى كل مرة أذهب فيها إلى القاهرة أشعر بشىء من الخوف والقلق

هذا التجمع السكانى الرهيب فى مدينة واحدة , أكثر من عدد سكان الخليج كله يتقوقعون فى شوارع واحدة , تخدمهم طرق واحدة , فى الصباح يلتهمون ملايين الاطنان من الأطعمة , وملايين الأمتار المكعبة من المياة بكل أنواعها
يلقون إلى الشوارع آلاف الاطنان من القمامة

اجتماعيا
فى القاهرة تجد كل أنواع الجرائم والتى لا تخطر على بال بشر , سرقة , قتل , دعارة ,مخدرات , إستغلال جنسى , أطفال شوارع ......الخ
حتى أعصاب الناس هناك دائما متوترة , أحيانا أخاف أسال أحد منهم عن أى شىء لاننى لا أتوقع ان يكون الجواب غير مقترن بأى شىء آخر
عندما أرى أعداد الشباب القاهرى وهى تخرج من المدارس والجامعات , ملايين من العرائس والعرسان, أسال أليس من المفروض أن يكون لكل من هؤلاء شقة وأسرة ؟ فأين إذا سيتاح لهم ذلك؟
إن السكن غير موجود أصلا , وحتى إن وجد , فمن ذا الذى يملك أن يدفع إيجار الشقة ولا أقول يشتريها؟

إن الشباب فى القاهرة والشابات يواجهون أصعب شىء فى حياة الإنسان , وهو أن تشعر أن مستقبلك يتحطم ويضيع منك لأنك فقط ولدت فى مكان لا يتيح لك سبل الحياة الكريمة

لم نسمع عن سكان المقابر إلا فى القاهرة
لم نسمع عن أطفال الشوارع إلا فى القاهرة

بيئيا
اذا أردت أن تعرف كم هى ملوثة القاهرة ما عليك إلا أن تقترب من أى شجرة فى أى شارع وحاول أن تضع يدك على أوراقها ,ثم انظر فى يدك بعدها
ولكن لاتحاول أن تهز إليك بجزع الشجرة لأنك ستمطر بوابل من الأتربة والعوادم ربما لن يعرفك أقرب الناس اليك بعدها

فى الشتاء رأينا السحابة السوداء
وليل القاهرة كما نعرف أصبح بلا نجوم
فلا يستطيع أحد سكانها أن يرى النجوم جهرة

فى الصيف اتحدى اى إنسان أن ينزل الشارع فى وقت الظهيرة
ملايين السيارات تلقى العوادم فى الشوارع
حوالى عشرين مليون إنسان يتنفسون فى مكان واحد ضيق
مئات الالاف من أجهزة التكييف تلقى فى الشوارع الهواء الساخن لتزيد الجو لهيبا

المواصلات كلها فوضوية , كل شىء بلا ترتيب

الكارثة الكبرى
دائما ما أسال نفسى سؤال يلح على فكرى
ماذا سيحدث إذا ضرب القاهرة زلزالا من نوعية زلزال تركيا أو زلزال إيران ؟
عندما أتخيل ماسيحدث أشعر بانقباض فى قلبى

ستكون الكارثة أكبر من ان يتخيلها أى عقل بشرى
ستكون أكبر من الدولة ومن الجيش ومن المساعدات الاجنبية
الضحايا سيكونو بالالاف
الكثير من مبانى القاهرة متهالك , العمارات متلاصقة, الشوارع ضيقة للغاية , السكان فى كل مبنى كثيرين جدا
كيف إذا ستصل أدوات وفرق الإنقاذ ؟
بصراحة العمران هكذا عمران مخيف ومرعب
المدن بهذا الشكل مدن تدميرية لأهلها

اهربوا يا سكان القاهرة , اخرجو خارج هذا القمقم ستجدون أن هناك شىء اسمه الهواء النقى , وهناك خضرة , وماء

ولكن اطلب من الرئيس اولا ان يخرج وسيخرج الناس وراءه
مش عارف هو قاعد فىالقاهرة ازاى؟

6 comments:

نطالب بعزل مغازى said...

ايه يا مغازى على ما افتكرت ان عندك مدونه هنا فى عهدتك ............يا اخى دا انا كنت داخل اطالب بنزولك من على الكرسى بس اديك عملت حاجه على العموم انا هاروح اقرأه لو عجبنى هابعتلك غيره

يلا سلام

Ahmed Moghazy said...

هى دى الديمقراطية

لكن انا والله كنت عايز اكتب من زمان
ومصدقت ان الناس انشغلت فى الامتحانات
ولسة همارس سلطاتى
لقيت الحلوين اللى المفروض عليهم امتحانات ,قال اية صعبت عليهم المدونة
ولقيت واحدة كتبت تخاريفها اللى بتجيلها ايام الامتحانات

والتانية ردت عليها بتخاريف اكبر واكبر
بس رجعت وقالت كلنا بنغلط
وانا علشان ديمقراطى كنت بسيب كتاباتهم علشان الناس تعلق عليها
لكن باين الديمقراطية دى مش نافعة خالص
انا هعمل زى واحد صاحبنا وهعدل 34 مادة من مواد المدونة وهعمل قانون لمحاربة التخاريف
ههههههههههههههههههه
انا باين عليا عكيت ولا اية؟
انا عارف ان فيه ناس خبيثة هتفهم كلامى غلط

بس انا شامم ريحة مى فى التعليق ده
مع انه مكتوب بضمير المذكر , لكن مش عارف احساسى بيقولى ان دى مى
اظهر وبان عليك الامان

نصيحة
اللى تعرف واللى يعرف يطفش من القاهرة يبقى فلت

مغازى تحت المجهر said...

لا يا ناصح انا مش مى
انا صوت الشعب الحر

Ahmed Moghazy said...

نطالب بعزل مغازى
مغازى تحت المجهر

هو انتو بتطلعو غلبكم فيا ولا اية؟
متشطرتوش على ال...........هتتشطرورعليا انا؟

على العموم يا صوت الشعب
اذا كنت من سكان القاهرة خليك فى القاهرة

هههههههههههههههههههههه

The Groom said...


كلامك للأسف فيه كثير من الحقيقة

بس أعتقد أن سكان الخليج دلوقتي أكتر من سكان القاهرة

هذه واحدة

والثانية الريس مش قاعد في القاهرة يا بيه

الريس قاعد في شرم الشيخ أغلب فصول السنة :))

ربنا يصلح الحال يا رب

تحياتي لكم جميعا من ماناساس البلد

Ahmed Moghazy said...

the groom
شكر جدا على التعليق وان شاء الله تكون زائر دائم للمدونة وانا ان شاء الله اكيد هزرو مدونتك

على العموم سكان القاهرة وسكان الخليج مش بعيد عن بعض كتير فى العدد خصوصا اذا كنا نتكلم عن اهل الخليج انفسهم مش المقيمين الاجانب كمان

اما بخصوص اقامة الرئيس فى القاهرة , فأنا مقصدتش الرئيس كشخص , انا اقصد مؤسسة الرئاسة نفسها بصرف النظر عن شخص الرئيس

هو حر يروح شرم الشيخ او حتى يجى عندى فى كفر الشيخ دى حريته بس يارب مايفكر فى كفر الشيخ علشان هى كده هادية وحلوة

شكرا مرة تانية على الزيارة والتعليق