26 May 2007

السلام عليكم - عابر سبيل

السلام عليكم ورحمه الله وبركاته
طبعا دى اول مشاركه ليا فى المدونه المصونه وبرضه ممكن تكون اول مشاركه ليا فى المدونات عموما
انا بس حبيت اقول لصاحب المدونه شكرا على الدعوه الغاليه
وبرضه اقول للناس الى بتكتب فى المدونه لو يرضو يقبلونى معاهم
وان شاء الله اكيد انا هستفاد منهم خصوصا وانا بحب الكلام فى السياسه شويه

6 comments:

spiderman said...

اهلا بيك فى المدونه اللى مجدش بيدخلها دى

صوت الشعب الحر said...

ايه ده واحد جديد يارب يكتب حاجه حلوه بدل مغازى اللى مش معبرنا خالص


الحق يا مغازى بق ليك منافسين
شكلك فاضلك زلطه وتطلع بره
ههههههههههههه ههههههههههه

Ahmed Moghazy said...

اهلا وسهلا بالشريك الجديد
ويا رب يمتعنا بكتاباته الجميلة
البيت بيتك طبعا
وطالما عابرة السبيل هى اللى اختارت احنا مانقدرش نكسر كلامها
احنا كلنا ضيوف عندها

...................
صوت الشعب الحر

شكلك عايز تخلص منى صح؟
على العموم انا تقريبا قدمت استقالتى من هنا , ومستنى الرد
ممكن اكون فشلت , لكن البركة فى الناس الموجودة
ودعواتى ليهم بالتوفيق ان شاء الله

صوت الشعب الحر said...

ايه يا مغازى
انت زعلت ولا ايه
يا شيخ دا انا بنكشك
عارف يعنى ايه بنكشك؟؟؟
هههههههههههه
لا يا شيخ ما تزعلش
بس مهو الحق عليك
سايب المدونه هنا خالص

بس برضه انا مش كان اقصدى ازعلك

ماتزعلش بقه
وهو العضو الجديد
عابر سبيل لسه كاتب عن الناس اللى بتزعل
اعتبره منى انا
ماشى

3abratalsabeel said...

هو انا اغيب كام يوم الاقى الناس بتتخانق وهتستقيل ؟استقالتك مرفوضة يا استاذ مغازى ...اتفضل على مكتبك
هههههههه
فى مشروع قريب هعمله بس افضى من الامتحانات ...لازم كلنا نشارك فيه ..انا وعابر سبيل و مى ومغازى وشيماء اللى مش عارفة هى مش بتكتب ليه معانا
ماحدش يغير حاجة تانى فى المدونة لغاية ما نخلص الامتحانات
ماشى
سلام عليكم

Anonymous said...

مغازى اللى قد المسؤليه........عابرة السبيل صاحبةالمدونه......عابر السبيل الضيف الجديدوالدائم بازن الله.....مى الغاليه......شيماء اللى عمرنا ماسمعنا عنهاولا منها
ايه يا جماعه ربنا ما يجبش زعل
انتوا غاليين عليا قوى
لا نقدر نستغنى عن مغازى اللى بينور فى غياب عابرة السبيل ومى ولا نقدر مانحبش الناس الحلوة (عابر السبيل)اللى قلبه طيب وما بيعرفش يستحمل زعل حد
ونفسنا نقرا لشيماء
بقولكم ايه اوعى حد يغيب عنى ولا يبعد.....اه....هااقاطع المدونه.....يالاشدوا حيلكم واللى زعلان يرجع ...... وانت يا مغازى ايه بتتلكك ماناعارفه اللى بيحصل عندك هناك......ايه ...من لقى احبابه نسى اصحابه
منورين يارجاله......انا قلت من الاول البنات تقعد فى البيت
اى خلاص حرمت البنات اجمل الكائنات ياجماعه انتوا عاملين زى صحبة ورد ربنا يجمعكم على المحبه(ولااتحسدتوا) خدوا بالكم من بعض وانتى يا عابرة السبيل مش تعرفى الرجاله على بعض بما انك المضيفه ولاهاتعملى زى مغازى واللى يلقى احبابه ينسى اصحابه
مع تحياتى ومحبتى للجميع