11 June 2007

. .عابر سبيل........... انا غلطان حقك عليا

اعترف
قول
انا غلطان
ايوه دى من اهم مشاكل العصر ان الواحد ميقدرش يقول انا غلطان
مع ان نصف مشاكلنا تتحل بكلمه معلش انا غلطان حقك عليا
والعجيب ان اول من جادل فى الموضوع ده ابليس عليه لعنه الله
عندما قال الله له اسجد لادم بداء الجدال عشان يقول ان مش غلطان
ولو كل واحد افتكر كده المشاكل او الخصومات الى بينه وبين صحابه وقريبه
هيلاقى انها كلها كانت عيزه بس اما انه هو يقول انا غلطان او صديقه يقله حقك عليه
وحكى لى واحد عزيز عليه جدا
انه كان مره سايق عربته فى الاسكندريه ثم
فجاه جاء واحد من اقصى الطريق الى ادناه وخبط عربيته
ونزل الراجل من العربيه رغم انه هو الى غلطان وبدا يزعق لصحبنا
انته مبتعرفوش تسوقو
انتم بس شيوخ على الفاضى
وعمل هليله
بس صحبى كان هادء جدا
وسابه لما خلص خالص
وقاله بزمتك
الى هتقف بيها امام ربنا
انا الى غلطان ولا انته
الراجل بعد مكان عامل هليله
بص فى الارض وقال
انا غلطان يعم الشيخ
وحقك عليه
وهات رائسك ابسها
وخلص الموضوع ببساطه
وفيه احيان كتير بنكون متاكدين اننا غلطنين
بس بنقول ازاى انا اقول انا غلطان لفلان
وايه المشكله
مهو مفيش حد معصوم من الخطاء
كلنا بنغلط
ويسلام لو شفنا المشاكل بين الازواج ربنا يا رب ما يجيب مشاكل ابدا
هنلاقى انها كلها كانت ممكن تتحل لو احد الطرفين قال انا غلطان وحقك عليه
ووالله اكيد بيكون طعمها حلو
ان الواحد يقول لزوجته انا غلطان وحقك عليه هو يعنى الواحد ميعرفش يدلع عليكى شويه
وكذالك الزوجه
والله يجماعه حولو تجربها وتقولو انا غلطان حقك عليا

9 comments:

حفيدة الياسين said...

سعة الصدر ... حسن الخلق ... الصبر ... خطوات وضعنا عليها ديننا الحنيف .. التسامح و الاعتذار و الكثير مما لو تمسكنا به فلن نضل أبدا ... الاعتذار ليس انكسار ابدا .. بل هو شفاء لصدر المساء اليه ... و تزكية لصدر المسيء... موضوع جميل جدا اخي عابر سبيل ... تحياتي
اختك بالله
حفيدة الياسين

feeling said...

الاعتراف بى الحق فضيله..
لو كل انسان حاسس انه صعب يعتذر ينسى اللى قدامه
ويفتكر انه بيعامل ربى العالمين وبيحاول يتقرب لله سبحانه وتعالى
في تصرفاته اكيد كانت الاموراختلفت
كثير فى معاملاتنا مع بعض
ربى يهدينا جميعآ

Ahmed Moghazy said...

تصحيح بسيط يا اخ عابر

هى تكتب حقك عليا انا غلطان
وليست حقق عليا

لازم الانسان يكون عنده مقدرة على استعياب الانسان اللى قدامه ويقدر يعفو ويغفر ويتسامى
ويجى على نفسه , خصوصا لو كان بيتعامل مع حد قريب منه زى زوجته مثلا ..........................
feeling
كلامك كويس لازم نراعى ربنا فى كل فى تعاملنا مع بعض , وننسى مين هو اللى قدامنا

Sharm said...

صاحبي الانتيم سبب تعلقي به انه لما بيغلط بيعتذر لاي حد و عمره ما يقول كرامتى و الافلام الفاضية دي

عابر سبيل said...

مشكورين يا جماعه على تعليقاتكم
وشكرا ليك اخ مغازى على تصحيحك
جزاكم الله خيرا

م/أبراهيم said...

د/عابر سبيل
السلام عليكم ورحمة الله وبركاته
الموضوع ده جميل جدا وفى غاية الحساسيه , وصدقنى لو كل واحد غلط فحق صاحبه أعتذرله مش حيكون فيه مشاكل خالص, وعلى فكره مش لازم تعتذر لفظيا بمعنى أنك مش لازم تقله أنا غلطان حقك عليهممكن مثلا تضربه على كتفه ببتسامه فيها حنو او حتى تناديله بأسمه(الدلع طبعا),
وكمان مش لازم تكون غلطان عشان تعتذر ,قد تكون غلطان من وجهة نظره هوه وده فى حد ذاته يحتم عليك الاعتذار ودى فى حد ذاتها مثاليه , والتسامح شىء جميل قوى ياريت كله يتسامح وكله يحب الخير لكله وفى النهايه ما أجمل موضوعك وما أحلى تعليقى
السلام عليكم ورحمة الله وبركاته
م/أبراهيم

عابرة السبيل said...

على فكرة بقى انا كاتبة عن الموضوع ده قبل كده ....احنا هنقطع على بعض ولا ايه يا عابر سبيل ؟
عندك حق طبعا الاعتزار مهم جدا بس ساعات بيبوخ ...ربنا ما يخلى حد يغلط علشان يعتزر
-----------
استاذ ابراهيم تعليقك حلو طبعا
---------------

Anonymous said...

انا عاوز اعلق علي تعليق المهندس ابراهيم لانه دايما بيزعلني علي العكس من كلامه المكتوب كل ما اكلمه الاقيه بياكل او بيغسل او هينام او هيروح مشوار ودائما لا يكترث لمشاعري بس للاسف بحبه ودي نقطة ضعفي م/كونكورد

م/كونكورد said...

انا عاوز اعلق علي تعليق المهندس ابراهيم لانه دايما بيزعلني علي العكس من كلامه المكتوب كل ما اكلمه الاقيه بياكل او بيغسل او هينام او هيروح مشوار ودائما لا يكترث لمشاعري بس للاسف بحبه ودي نقطة ضعفي م/كونكورد