09 October 2007

العيد فرخة

كل سنة وانتم طيبين
العيد جه خلاص اهو
بصراحة ما قدرتش استنى ليوم العيد علشان انزل البوست الجديد
قلت الحق اكون اول واحدة تهنيكم بالعيد

العيد فرخة
..ايوة العيد فرخة مش فرحة
هو طبعا فرحة ..بس انا عايزاه السنادى يكون فرخة
كل سنة اقعد اقول لنفسى
اشمعنا فى العيد لازم ناكل رنجة وفسيخ
وبصل









وكل سنة اقول انا مش هاكل الاكل ده..رغم انى بحب الرنجة بس اقول انا هاكل الكحك بس ...ماله الكحك ..جميييييييييييييل ..






ما علينا ..اللهم انى صاااااااائم

اه وترمس
..صح ..ده العيد ما يبقاش عيد من غير الترمس




المهم انى كل سنة اكل رنجة وبصل وكحك
وماكلش الفرخة
بزمتكم مش شكلها حلو وتفتح النفس ...ياسلاااااااااااااااااااام






الناس معظمها بتقول انها بتطلع من رمضان زهقانة من الاكل الدسم
ماشى ..عندهم حق
يللا.... نتفق مع الناس فى حاجة ..مش وقت فلسفة ولا نصايح
ده وقت فرحة وعيد
بس برضه هاكل فرخة فى العيد ..ولو حتى تانى يوم ..


حد جاب صواريخ وبمب ؟ ايوة ..اللى بنزعج بيها الجيران وبنخضهم ...طيب حد جاب بلالين؟
نفسى فى مرة وانا كبيرة كده امشى ببالونة فى الشارع ..اشمعنى العيال يعنى ؟هما احسن منى ؟ولا هو العيد بتاع الصغيرين بس ؟









كل سنة وانتم بخير وربنا يبلغنا رمضان الجاى ويبلغنا ليلة القدر فيه

ما حدش ينسى ...اللى بيقيم ليلة العيد ولو بركعتين ليه ثواب كبير قوى عند ربنا
واول حاجة تفطروا عليها الصبح مش كحك ..اصبروا شوية ..افطروا على تمر

..سنة عن الرسول صلى الله عليه وسلم




يللا اسيبكم بقى تكملوا رمضان على خير ونتقابل ان شاء الله فى العيد
سلام عليكم

8 comments:

صوت الشعب said...

ههههههههههههههههههه
العيد فرخه

يا سلام عليكى يا عابره السبيل عليكى شويه تشبيهات تفطس من الضحك

كل سنه وانت طيبه
شوفتى بقى انت اول واحده تكتب عن العيد
وانا اول واحد يقولك كل سنه وانت طيبه

The Groom said...


كل عام وانتم بخير

تحياتي من ماناساس البلد

عابر سبيل said...

لا انا فعلا زعلان كان لازم اكون اول المعلقين وكان لازم اول من يقول كل سنه وانتم طيبين
بس حصل خير منا برضه اول واحد قال كده واول واحد اتقله كده
كل سنه وانتم بالف صحه وسلامه
وخصوصا صاحبه البوست طبعا الى متابع معانا عارف ليه
بجد بوست دسم كله فراخ ورنجه وحجات تفتح النفس
انا كنت بحاول اعمله دون لود بس يخساره محملش غير العظم بتاع الفرخه
كل سنه وانتم طيبين وبصحه وسلامه وان شاء الله السنه الى جايه يكون حالنا كمسلمين افضل وافضل

صباح الخير said...

السلام عليكم عيد سعيد عليكى انت وعابر السبيل خصوصا وعلى الامه الاسلاميه عامة

بس كلمه فى ودنك يا عابره .........هو اللى معاه خطيبه هايفكر فى فرخه كفايه عليكى الترمس مع قعده جميله رومانسيه على الكورنيش بس لو افتكرتى ابقى اعزمينى

noury said...

كل سنة وانتم كلكم طيبين وبصحة وسعادة وخير يارب

وعيد سعيد علينا كلنا

HoNdA said...


السلام عليكم
ازيك يابنتى
كل سنة وانتى بخير
تقبل الله منا ومنكم

عابرة السبيل said...

سلام عليكم
--------------
كل سنة وانتم طيبين
-----------------------
صوت الشعب
------------
ياااااااه بقالك كتير ما ظهرتش
فينك ده كله ؟ولا هو صوت الشعب تعبان ولا ايه ؟
اضحك ...بس ما تفتسش ...الصوت ده احنا عايزينه
---------------------------------
the groom
-------------
اهلا بيك
كل سنة وانت طيب
--------------------------------
عابر سبيل
----------
لو ما نفعش داون لوود اعمله برينت
:)
---------------------------------
صباح الخير
---------
حمدالله على سلامتك يا صباح
كل سنة وانت طيبة
ما تتاخريش كده تانى
-----------------------------
noury
-----------
اهلا بيكى يا نورى ...نورتى المدونة
هو انتى بقى اللى بيتقالك نورى غطى على الكهربا ؟
:)
--------------------------
honda
--------
ازيك يا هوندا
وحشتينى والله
كل سنة وانت بخير
يارب امين
---------------------------

فين بقيت الناس ؟
والناس اللى بتدخل وما تسيبش تعليق
هقفشكم فى مرة وهحبسكم فى المدونة لغاية ما تكتبو تعليق وتقولوا حقى برقبتى

---------------------
سلام عليكم

الطائر الحزين said...

كل عام انت بخير