20 October 2007

مش مشكلة


اهلا اهلا اهلا
رمضان خلص اهو ..والعيد كمان خلص ...
واهلا بالدوشة والزحمة والشمس والخنقة
اهلا بالمحاضرات والمزكرات وكارفن
اهلا بالجامعة وشباب الجامعة وبنات الجامعة
ولبس الجامعة ...اللى يحرق الدم وينرفز ويضحك فى نفس الوقت
بزمتكم شوفتو حاجة زى كده؟

انا مش هتكلم فى اللى ما بفهمش فيه ...مش هتكلم على لبس الشباب انا بتكلم عن لبس البنات اللى ظهر بعد العيد
طيب بس حد يقولى هى دى الموضة السنادى بجد؟
يعنى هى الهدوم بتاعة البنات خلصت مش لاقيين غير اللبس ده؟

طيب بزمتكم برضه ده لبس ينفع بنت محجبة؟
ولا مش محجبة حتى؟
مش مشكلة .....

الجامعة بقت زى النادى

نخرج نتفسح فيها
نلعب شطرنج ...كوتشينة ...ناكل نشرب ..نفرش ملاية ونناااااااااااام .... مش مشكلة
بس بصراحة اكتر حاجة مضايقانى هى انى اطلع من المحاضرة دماغى هتنفجر من الكلام المجعلص اللى بناخده ده واطلع الاقى الطلبة برة
بتضحك وتهزر

بس مش مشكلة كله يمشى
...الامن طول ما هو موافق احنا لازم نوافق ..مش هو ادرى بالصح فى الجامعة
كله يمشى الا حاجة واحدة بس ....المظاهرات ...هى اللى لازم تتوقف بصراحة
لان لما بيكون فى مظاهرة ..احنا اللى بنتطلتع على باب الجامعة
والشمس تضرب فى دماغنا مش مشكلة
والمحاضرة تضيع ..مش مشكلة
لكن لازم يشوفوا كارنيهاتنا واحد واحد وواحدة وواحدة ...طبعا
عشان الامن والنظام يتم



لكن الادب والاحترام ........مش مشلكة بقى
هما هيربونا يعنى ؟
ما اللى عايز ينام ينام واللى عايز يشوف شغله ومحاضراته يشوف
واللى عايز يقعد يتفرج على الرايحة والجاية يقعد
واللى عايزين يقعدو اتنين اتنين ...براحتهم طبعا ...ما الشجر كتير ...والامن ذات نفسه قاعد بيشرب شاى وقهوة براحته برضه
مش بقولكم مش مشكلة

10 comments:

عابر سبيل said...

السلام عليكم ورحمه الله وبركاته
كل سنه وانتى بالف صحه وسلامه
طبعا ان شاء الله كل الحجات الى انتا قلتها مش هتتكرر بالنسبه ليك ان شا الله الا العيد ورمضان منتا يعم خلاص هتسيب الجامعه
بس انا مش عارف انت مع المظاهرات ولا لا يعنى انت معترض عليها ولا مؤيد
بس فعلا لبس البنات فى الجامعه فعلا حاجه تقرف بجد والله
ربنا يعافينا ويعافى بنات المسلمين جميعا

عصفور المدينة said...

ربنا يثبتكم

HoNdA said...

ههههههههه انتى بتشوفى زى الى بشوفه بردو طب ربنا يعينا ع مابلانا معدش فى قدوة ولا اخلاق ولا حتى ثقافه الرك ع الاهل

الطائر الحزين said...

ربنا يهدى الجميع
وفعلا مش مشكلة

هكذا علمتني الحياة في ظل العقيده said...

السلام عليكم ورحمة الله وبركاته
ورث كثير من الناس دينهم
فعاملوه معاملة الاموال والضيعات فلا تتعجبوا
ولا تتعجبوا من الامن فهو امن لكل من حارب الله ورسوله

بئس المناخ لقد حسبت هوائه ** دنسا وأن بحاره لا تطهر

الباحث عن الحقيقة said...

هو لسه فيه ناس بتتكلم فى الموضوع ده
اصل ماعدش فيه حد بيسمع للكلام ده
كل واحد ماشى بدماغه فى البلد دى

أحمد عيسي said...

لا والله..الكلام ده من ايام انا مكنت في الكلية من حوالي 3 سنين هي لسة الكلية متغيرتش؟؟
يعني كنت متوقع ديسكوتك..حمامات سباحة..كافيتيريات ودي جي هات
احنا ليه واقفين محلك سر كدة

عابرة السبيل said...

سلام عليكم
------------
عابر سبيل
----------
ليه كده بس؟انت من اللى بيهدوا النفوس برضه
....انا مع نفسى ..واللى عايز يفهم انا مع ولا ضد ..يفهم بمزاجه
:)
-------------------------------------
عصفور المدينة
-------------
اللهم امين ..ربنا يهدينا ويهدى الجميع
--------------------------------------
honda
------
صح يا هوندا ...عندك حق
-----------------------------------
الطائر الحزين
--------------
شكرا لزيارتك
دائما كلامك مختصر
-----------------------------------
كونكورد
---------
كلامك كبييييييييييييييير
-----------------------------------
الباحث عن الحقيقة
----------------
طيب بالراحة شوية
بس اديك سمعته وقريته وحطيت تعليق
يعنى بلاش نتكلم ؟
-----------------------------------
احمد عيسى
----------
اصبر شوية
كمان سنتين تلاتة هتلاقى اللى انت بتقول عليه ده
-------------------------------------

شكرااااااااااااااااااااا

lonlysmily said...

والله يابنتى انتى بتوصفى حالتى وانا خارجه من الكليه والاقى المناظر دى قاعدة اللى بيلعبوا المنديل ولا بيجروا ورا بعض
ودب طبعا كوم ولبس البنات كوم تانى
صيف لبس بيخف وجسم بيبان
شتا لبس بيقصر وبوتات بتطلع
والمظاهرات وجمالها والواحد يروح الكليه متأخر ولا فى اى دوك بيقدر الظروف سواء كانت مظاهرات ولا مواصلات:S

MUSULMANS said...

لا إله إلا الله محمد رسول الله




محمد رسول الله صلى الله عليه وسلم





لا إله إلا الله محمد رسول الله