27 October 2007

بعييييييييييييييييدا عن السياسه

بعييييييييدا عن السياسه
احنا مش هنتكلم فى سياسه ولا غيره
انا بس عايز اخد رائيكم فى عده امور بعيييييييييييده كل البعد عن السياسه
من محاكمات عسكريه لناس على الاقل مش ظاهر عنهم حاجه تشين ليهم ولا لاموالهم
من فصل طلاب من الجامعه بحجه انهم لهم اتجاه معارض للحكومه
من دخول بلطجيه على مسمع ومرأى من الامن وقياده الجامعات , على فكره انا شفت الكلام ده بعينى
من عمل اتحادات معينه من قبل اداره الكليات والاسم انتخابات اتحاد
من حبس للصحفين وتكميم الافواه



ورغم ده كله فيه ناس تانيه تستاهل فعلا تتحاكم وتعدم كمان امثال ......و.....و...... لا دول كتيييييير صعب عدهم فى بلدنا
والله انا فعلا بدات اياس رغم ان الياس ليس من شيم المسلمين بس فعلا الوضع الى احنا عليه صعب اوى

والله انا مره قرات تحقيق اتعمل مع طالب من ال بيتفصلو دول كانت التهم الموجهه له بالنص كده توزيع ما يحس الطلاب على عدم التبرج والاختلاط وحثهم على الصلاه فى المسجد والله ده حصل فى كليتنا الموقره فعلا دى كانت التهمه

بس برضه الواحد لازم يفتكر قول الله عز وجل " حتى إذا استيأس الرسل وظنوا أنهم قد كذبوا جاءهم نصرنا فنجي من نشاء ولا يرد بأسنا عن القوم المجرمين "
ياريت الى يقراء يعلق ويقولى يمكن انا الى شايف الدنيا سوده شويه

14 comments:

عصفور المدينة said...

جزاك الله خيرا تصحيح الآية


حتى إذا استيأس الرسل وظنوا أنهم قد كذبوا جاءهم نصرنا فنجي من نشاء ولا يرد بأسنا عن القوم المجرمين



فيه آية تانية اختلطت معك في سورة يونس

هو الذي يسيركم في البر والبحر حتى إذا كنتم في الفلك وجرين بهم بريح طيبة وفرحوا بها جاءتها ريح عاصف وجاءهم الموج من كل مكان وظنوا أنهم أحيط بهم دعوا الله مخلصين له الدين لئن أنجيتنا من هـذه لنكونن من الشاكرين

عابرة السبيل said...

سلام عليكم

لا انت فعلا بعيييييييييييييد جدا جدا عن السياسة

وعلى فكرة هى الدنيا مش سودا هى لابسة اسود بس علشان رايحة تعزى ..فى مين؟مش مهم

هتيأس من ايه؟
لا يأس مع الحياة ولا حياة مع اليأس
الصبر جمييييييييل

اللى انت بتتكلم عليهم دول ناس ما بياكلوش كوسة....

لكن اللى مفروض يتسجنوا؟!!!!!دول بقى بيعرفوا يطبخوا الكوسة مش بياكلوها بس

بس حلوة الالوانات دى
------------------
انا يمكن اكتب تعليق تانى ..لانى محتاجة اقرا الموضوع كمان مرة
------------------------
سلام عليكم

عابر سبيل said...

جزاكم الله خيرا عصفور المدينه قد تم تصحيح الايه
................

عابره السبيل
كل الى عجبك الالونات
طيب
مستنين التعليق الثانى

صوت الشعب said...

كانت التهم الموجهه له بالنص كده توزيع ما يحس الطلاب على عدم التبرج والاختلاط وحثهم على الصلاه فى المسجد والله ده حصل فى كليتنا الموقره فعلا دى كانت التهمه


هههههههه
حلوه التهمه دى

mo'men mohamed said...

اذا لم تستحى ، فافعل ما شئت
السلام عليكم

البنت الشلبية said...

سلام عليكم
انا للاسف مش عايزة اقول رأيى اصلى ببص اليومين دول بنظرة مش بيضا خاااااالص للحياه
بس ربنا قادر يغير احوالنا كلنا للخير
سلام

bota said...

بجد والله الواحد زهق من العيشه دي لانه بقى حاسس بالظلم من كل جهه
ومش شرط يكون هو اللي اتظلم
بس كفايه انه شايف ان اللي حواليا بيتظلمو
بس المهم اننا مش نيأس
علشان المفروض ان احنا اللي هنصلح ومفيش اصلاح من غير امل
ربنا يوفقك

هكذا علمتني الحياة في ظل العقيده said...

لا تيأس يا أخي فما زال الطريق طويلا وشاقا
وان النار قد تخبو ولكنها لا تنطفيء
وانما النصر صبر ساعه

الأستاذ said...

ده بعيداً عن السياسة فعلاً
لكن لأ إنت مش شايف الدنيا سودا ولا حاجة
إنت مش شايفها خالص
لأن دلوقتي مفيش حاجة إسمها دنيا خلصت وإنقرضت وراحت عليها
إسمها غابة حضرتك بيحكمها الأسد أو الملك
ومعاه تعالب بتزن في ودنه
وإحنا مجرد شوية كلاب على قرود على خراتيت على حمير عندهم
مع أطيب تمنياتي إننا منكونش حاجة من دول فعلاً
تحياتي

محمد عبد المنعم said...

السلام عليكم

أنا شايف إن الدنيا مش سودة

بص لنص الكباية المليان

اتفرج على كمية الشباب و الشابات اللي انضموا لقوافل الصحوة المباركة

دا بالإضافة إلى إن تحمل الأذى في سبيل الله أمر محمود

دا بالإضافة إلى إن كل ما تشوف السواد أكتر بيبقى معناه إن البياض قـرّب

يقول خباب بن الأرت رضي الله عنه: شكونا إلى رسول الله صلى الله عليه وسلم ، وهو متوسد بردة له في ظل الكعبة قلنا له : ألا تستنصر لنا ، ألا تدعو الله لنا ؟ قال : ( كان الرجل فيمن قبلكم يحفر له في الأرض ، فيجعل فيه ، فيجاء بالمنشار فيوضع على رأسه فيشق باثنتين ، وما يصده ذلك عن دينه . ويمشط بأمشاط الحديد ما دون لحمه من عظم أو عصب ، وما يصده ذلك عن دينه ، والله ليتمن هذا الأمر ، حتى يسير الراكب من صنعاء إلى حضرموت ، لا يخاف إلا الله ، أو الذئب على غنمه ، ولكنكم تستعجلون ) .
رواه البخاري



ولكنكم تستعجلون
ولكنكم تستعجلون
ولكنكم تستعجلون

عابرة السبيل said...

سلام عليكم

الرد التانى على كلامك يا عابر

حلوة الالوانات برضه
وبصراحة هى الدنيا فيها مشاكل كتير وظلم
ويمكن احنا مش عاملين اللى علينا علشان الدنيا تتصلح احوالها ..ويمكن لسه احنا مش عارفين الطريق اللى يساعدنا اننا نغير الدنيا للصح

وزى ما محمد عبد المنعم قال :احنا اللى مستعجلين ...

الباحث عن الحقيقة said...

كريييييم يا رب
انتى ما بتجيش ليه مش ابقى تيجى احنا بنبقى هناك لنا

الطائر الحزين said...

عجبنى تعليق الاستاذة عابرة سبيل

الدنيا مش سودة هى لابسة اسود

يعنى لازم حد يكون السبب فى لبسها

اللى اشترى القماش واللى فصلة واللى جهزة والل لبسة

الا ان فرج الله قريب

عابر سبيل said...

السلام عليكم جميعا
وشكرا لتعلاقاتكم


صوت الشعب...........
انا ضحكت زيك كدا بس بصدق كانت التهم كده
تحيااااااااتى

momen mohamed
فعلا صدقت


البنت الشلبيه

خلاص احنا متفقين على كده
تحيااااااتى


bota
تمام بجد فعلا مفيش اصلاح من غير امل بس الناس الظلمه دول شردو امل وعمر كمان

هكذا علمتنى الحياه
اللهم اجعلنا من الصابرين ولا تطفئ نار المصلحين قولو امين


الاستاذ
كلامك صحييييييييح بس برضه اتكلم عن نفسك هههههههه انا بهزر معاك


محمد عبد المنعم

بجد يا شيخ محمد انا سعات بحس ان الكبايه اتكسرت


عابره السبيل

ربنا يجعلنا من القوم المصلحين

الطائر الحزين
على فكره عابره مش استازه ولا غيره هههههههههههه
دى اكبر من كده بكتتتتتتتتتتيييييييير