02 January 2008

كان ياما كان

كان ياما كان ... فى سالف العصر والاوان

السنة اللى فاتت مش زى دلوقتى لا على شهر خمسة كده كان هنا فى ناس كتيييييييييير فى المدونة

كانت الناس دى بتكتب بوستات وبتعلق على كلامى والدنيا كانت زحمة قوى

منهم
مى اللى كتبتلنا بوست اسمه :

وافتكرتها النهاردة لما لاقيت ان النت جه تانى الحمد لله بعد فترة انقطاع وطول انتظار

والنهاردة بكتب انا هنا
عن الامتحانات وقسوتها
والاوراق وضخامتها
والاقلام وشخبطتها
وعن المحاضرات ولخبطتها
وعن عنيا اللى مش عارفة تفتح


....من كتر الفرجة على التليفزيون ....مش من المزاكرة يعنى لحسن حد يفتكر انى بزاكر ودحيحة ولا حاجة



ماشى يا زباين ...ما حدش بيدخل المدونة ولا بيسال عليا ولا على عابر السبيل
حتى صوت الشعب اختفى ..
وواحد من الشعب نوره انطفى ....
وسفاح كرموز راح واتنفى
...
وما عدش غير طائر حزين وعصفور المدينة وعلاء هما اللى بيكتبولنا هنا
ربنا يخليهم للمدونة


كل سنة وانتم كلكم طيبين وبعد الامتحانت نتقبال واحنا فايقين
وتوتة توتة فرغت الحدوتة



5 comments:

عصفور المدينة said...

عينك من التليفزيون طب اقلبيها تدوين بدل ما فيش مذاكرة بقى


ربنا يعينك ويوفقك إنت والأستاذ عابر سبيل وإن شاء الله تيجي الأجازة وتتملي المدونة بوستات وزوار

صوت الشعب said...

اناهنا اهو
بس عندى امتحانات انا كمان
ادعيلى

الطائر الحزين said...

عينك فى التلفزيون
ماشى

وبعدين بذاكر مش بزاكر

التركيز راح فين


ربنا يوفقك

عابر السبيل said...

السلام عليكم
كيف الاخبار يا رب يكون الجميع بخير
انا طبعا مش هفتن على عابره ولا حاجه واقول انها بتزاكر يعنى ولا حاجه
انا بس هقول مش لازم الواحد يزاكر الماده الميه وخمسين مره ممن يكتفى ب 149 بس المهم ربنا يوفق الجميع يا رب طبعا الكل عارف انى بهرج .....ههه الا حد يفكر انه صحيح ويحسد البنيه ولا حاجه
اللهم يسر لجميع الطلبه والطالبات فى امتحاناتهم

safa7_karmooz said...

انا بدخل كل مرة .,.والاقى نفس البوستات

وكمان انتوا بتكتبوا من الشهر للشهر :D

وكمان مش بتذاكرى ليه يعنى

ربنا معاكم ان شاء الله