20 February 2008

مجرد خواطر:ما حدش هنا


بناء على رغبة الجماهير :كلاكيت تانى مرة
ههههههه حلوة الكلمة دى
نفسى اقولها كده على اى بوست عندى
المهم :
بناء على طلب الجماهير اللى مش عارفين ايه علاقة البوست ده بيا
البوست ده مجرد خواطر

مالوش علاقة بيا خااااااااااااااااااااااااالص
وطبعا المعنى فى بطن الشاعر
اتفضلوا بالهنا والشفا
---------------------------------------------
ما حدش هنا
-----------------
النهاردة لوحده هنا
وسط الصحاب والحبايب

حاسس ان روحه شريدة
مش لاقي مرسى لسفينته الوحيدة

قلبه ينادى على اللى كانوامعاه هنا
عايز يشكى ويحكى وحد يسمعله الندا

عايز يلاقى زهن صافى
وقلب وافى وحضن دافى

لوحده هنا وسط الوشوش والابتسامة
لوحده هنا معكوس على وشه الملامة

قال كتير اسمعونى وافهموا
لكن فى زمنا ده
يظهر الضعف على انه ذلة وندامة

قلب قال بحب ..بنية صافية
وعقل ..مليان بافكار وعافية

فجأة حس انه وحيد
وان الشمس نار بتحرق من بعيد
والقمر دخان من دوبان جليد

لولا غروره وكبرياء بيه اتولد
ولولا الرجاء ..والامل
كانت مياه البحر هى دموع الولد


6 comments:

هكذا علمتني الحياة في ظل العقيده said...

فجأة حس انه وحيد
وان الشمس نار بتحرق من بعيد
والقمر دخان من دوبان جليد

لولا غروره وكبرياء بيه اتولد
ولولا الرجاء ..والامل
كانت مياه البحر هى دموع الولد

خواطرجميله لكن محزنه
يا ترى مين الشاعر؟

الباحث عن الحقيقة said...

الله على الكلمتين دول
ولولا الرجاء ..والامل
كانت مياه البحر هى دموع الولد

ولولا الكلمتين دول كنت اخدت نفسى ومشيت اصل انا مش ناقص كآبه وتعمليلى فيها زى كوكو الشرق ام كثلوم فى قارئة الابريق وتقولى طريقك مسدودن مسدون مسدودن يا ولدى

الباحث عن الحقيقة said...

على فكرة الاسلوب قريب من اشعار صلاح جاهين ومعانيه واحساسه
يا سلام ..ده انتى داخله على الجول عدل ضربة حره مباشره

Bongo said...

بناء علي طلب الجماهير بردو : جميييييييييييلة :D

3abratalsabeel said...

هكذا علمتني الحياة في ظل العقيده
-----------------------------
هذه خواطرى ..
وخواطرى تبدو تجاه نواظرى كلمى كدامية السحاب ازائى

انا-واعوذ بالله من كلمة انا-يا كونكورد اللى كتباها
شكرا على ردك
--------------------------------
الباحث عن الحقيقة
----------------
الامل موجود طول ما الواحد واثق فى قدرة الله فى تغيير الامور
وجوووووووووووووووووووون
:)
-------------------------------
bongo
--------
انتى اجمل
يارب تنورينا على طول
--------------------------------
سلام عليكم

علاء سالم said...

السلام عليكم

خاطرة جميله أحييكي عليها