10 March 2008

عيد ميلاد سعيد يا سوسو







مش عارفة اكتب من الفرحة
مش مصدقة بجد ان فاتت سنة على حاجة مهمة قوى بالنسبالى
يعنى مش قادرة اعبر لاول مرة عن فر
حتى
وكمان مش قادرة اوصف قد ايه انا مبسوطة بالمناسبة دى اللى كنت
بشك انها هتعدى عليا
من سنة واحدة فى نفس المكان فى نفس الكرسى
اللى انا قاعدة عليه ده
من سنة واحدة فى نفس الساعة فى نفس اليوم
من سنة واحدة ...يوم11مارس 2007كنت فى حالة تانية خالص
مليانة حماس ونشاط وخوف وقلق وحاسة انى مالكة الدنيا دى كلها فى ايدى
يوم 11مارس2007كان ولازال يوم مهم جدا
اليوم ده عيد ميلاد مدونتى دى
مدونتى حبيبتى ....مدونة صوت عالى
كل سنة وانتى طيبة يا سوسو..يا صوت عالى يا جميلة ..يا سكر انتى


سوسواللى عاشت معايا ايام حلوة وايام حزينة وايام زى العسل
وبعد ربنا سبحانه وتعالى كانت المدونة دى ليها دور مهم قوى فى تغيير حياتى للاحسن الحمد لله
كمان شهر مارس بالنسبالى شهر مهم
شهر مارس فيه عيد الام كل سنة وانتم طيبين

فيه عيد ميلاد ناس بحبها قوى كل سنة وهما طيبين





وفيها اتعرفت على ناس كتير ...كان اهمهم...نفسى
ايوة انا اتعرفت على نفسى بجد فى المدونة دى فى شهر مارس ده
عرفتها كويس قوى وقدرت افهمها واتعامل معاها
فى المدونة دى كتبت كل اللى نفسى اقوله ....م
ش كله قوى يعنى ...كتبت فيها عن نفسى وواجهت فيها روحى .....
.....غيرت فيا حاجات كتير...وغيرت فيها حاجات كتير


كان اهمها انى حطيت اتنين شات بوكس


صحيح مضايقين ناس كتير بس انا بحب اكتب وارغى براحتى واتكلم من القلب براحتى
وحطيت فيها اللعبة اللى انا مش عارفة لغاية دلوقتى اكسب فيها مرة
واحدة








طبعا عدى على المدونة دى ناس كتير ....ناس جت و
مشيت وناس

لسه موجودة وناس اختفت خالص
بس اهم حاجة انها فيها حياتى...وكلامى ...ومواهبى المدفونة اللى لسه ما ظهرتش
طبعا لسه ما ظهرتش
ده انا حتى عندى كلام كتير لسه عايزة اقوله .
..بخصوص طابورالعيش
اصل طابور العيش ده بنشوف فيه البدع
طابور عيش ايه؟ده وقت طابور عيش ؟خلينا فى اللى احنا فيه





طبعا عشتوا معايا مناسبات كتير
فى السنة دى الانتخابات وتعديل الدستور وطبعا كان اهمها واجملها
خطوبة عابرى السبيل

!!!!!!!!!!!!!!!!!!!!!!مين عابرى
السبيل دول؟



ولسه قاعدين بتقروا المدونة لاول مرة ...حرام عليكم
اتكلم انت يا عابر السبيل
قولهم انت ...قولهم انت لحسن انا خلاص قربت اعيط من الانبساط والفرحة بمدونتى المشهورة .....المشهورة جدااااااااااااااا



سبحان الله

فعلا شهر مارس ده اتولد فيه ناس عظام قوى اولهم انا

طبعا فيه ناس عظام وفيه ناس باطنة وناس جلديه وباقى اقسام كليه الطب !!


وفيه ناس علوم سياسية ...عادى يعنى
.......ما علينا ..فعلا انا اتولدت مرتين فى الشهر ده ايوه ايه الغريب فى كده....


ما غريب الا الشيطان ...كمّل

مره 20-3-1982 وده كان من بطوله ماما
والله عملت عمل جبار ماما ربنا يخليهالنا...وهى يعنى امى ما عملتش عمل جبار؟ ..ماهى اللى شجعتنى اعمل المدونة دى ربنا يخليهالنا هى كمان ...

اما الثانى برضه كان فى نفس الشهر بس بعدها بخمسه وعشرين سنه

لما اتعرفت على .....من وصفها الرسول صلى الله عليه وسلم خير متاع الدنيا

وهى زوجتى ان شاء الله

عابرة السبيل
ربنا يسمع منك يا اخويا ...


المهم
سبحان الله...شهر فعلا يستحق انه يكون شهر الميلاد بالنسبالى

اكتر حاجه بتمناها دلوقتى فعلا ان الله عز وجل يحينى الى ان اعيش فى مصر فى ظل رئيس اخر مش من العيله المباركه


معلش معلش ...هى الدنيا كده ما بتديش للواحد كل حاجة...ده انا ؟...خلاص خلاص مش هقاطعك تانى

..الصبر يارب ...اصلى يا جماعه من يوم ما جيت على الدنيا وهو ريس واحد بسسسسسسسسسسسس

وخايف اموت فى ظل نفس الريس

دى اسما امانينا بعد الموت فى سبيل الله طبعا


ربنا يديك ويدينا طولة العمر ..ما حدش عارف ....ربنا قادر على كل شىء...هو انا كده قاطعتك برضه ..
طيب استنى يا عابر ..استنى بس ..رايح فين ؟
...



هذا وقد اعلنت وكالات الانباء عن اختفاء عابرى السبيل وذلك فى ظروف غامضة
وتشير التحقيقات انه تقرر ان تاخذ عابرة السبيل استراحة قصيرة لفترة ما لحين الانتهاء من بعض الابحاث..ولحين ظهور النتيجة ...والى ان يعود عابر السبيل ....حيث انه خرج ولم يعد..
دمتم فى رعاية الله وامنه ...
تحيا جمهورية مصر العربية ...

والسلام عليكم ورحمة الله وبركاته





شششششششششششششششششششششششششششششش

8 comments:

ماما said...

ولادى وحبايبى عابرى السبيل كل سنه وانتم طيبيين وسعداء واشوفكم فى بيت العدل قريبا يارب قصدى بيت الزوجيه مش سامى العدل وعائلته اللى مستوليين على الدنيا كلها دلوقتى ..... ماعلينا
فعلا المدونه دى عرفتنى بنتى اللى ماكنتش اعرفها وبدعيلها اشوفها كاتبه كبيره جدا ومشهوره لانك فعلا تستاهلى كل خير واول هذا الخير انك اتخطبت لعابر السبيل الانسان الجاد المحترم ومش هاقول اكتر من كدا لاحسن البنات بعد كدا هاتهجم على المدونه ومش هانعرف نكلمه من كتر التوقيعات على الاتوجرافات
حبايبى اذا كنتم بتشكروا فى امهاتكم انتم الاتنين فدى فعلا احلى هديه بتقدموهالنا لانكم انتم نعمه من ربنا فانتم كما قال رسول الله صلى الله عليه وسلم وولد صالح يدعوا له وانتم بازن الله نعم الولد الصالح لابويكما دمتم سعداء وكل عام وانتم بخير وعقبال السنه المئه فى عمر المدونه وعمركم

Bongo said...

السلام عليكم

هابي بيرث داي تو صووووووووت عاااااااااالي

عقبال مليون سنه مش سنة واحده بس

ربنا معاكوا و منتظرين عودة الناس اللي اختفت :D

تحياااااتي

khair said...

كل سنة وانتى طيبة يا عابرة السبيل بمناسبة المولد النبوى وكمان بمناسبة مرور عام على المدونة والسنة القادمة فى نفس الميعاد تكونى معاكى النونو وتضعى صورته على المدونة وياريت يكون ولد علشان انا مش بحب البنات

هكذا علمتني الحياة في ظل العقيده said...

السلام عليكم ورحمة الله وبركاته
كل سنه وعابر وعابره طيبين وبخير
وان شاء الله نفرح بيهم الفرحه الكبيره عن قريب
وكل سنه والمدونه بخير وتكون عمل يرفع الدرجات وخطوه على طريق الثبات

Notebooks said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Notebook, I hope you enjoy. The address is http://notebooks-brasil.blogspot.com. A hug.

barbie girl said...

كل سنة ومدونتك طيبة :)

bota said...

هو انا جيت متاخر بس المناسبات السعيده الكتير يعني لازم تحتفلو الشهر كله ولا ايه
كل وسنه وانتم طيبين
ورينا يجعل ايامكم كلها ايام سعيده
ربنا يوفقكم

عابرة السبيل said...

سلااااااااااام عليكم
اخيرا خلصت الميد تيرم
ده كانى كنت فى سجن وخرجت ..الحمد لله عقبال ما اخلص خالص من وجع دماغ الكلية دى
-------------------
ماما حبيبتى
------------
طبعا الرد وصلك على طول
ربنا يخليكوا لينا
--------------------------
bongo
-----
عدنا يا بونجو
هابى بيرث داى تو يو تو
:)
-----------------------------
khair
--------
اوك ...لما نيجى السنة الجاية ان شاء الله نبقى نتخانق واقولك ان البنات زى العسل ...مالها البنات ؟
---------------------------------
كونكورد /حاتم /هكذا علمتنى الحياة
----------------------------
لخبطتنا يا حاتم ما ترسى على اسم كده خلينا نناديك بيه
كل عام وانت بالف خير
ربنا يجعلنا نصيب من دعائك
امين
----------------------------------
notebooks
--------------
thanks a lot for your visit but unfortunately i didn't understand any thing of your blog
:(
--------------------------
barbie girl
------------
كل سنة وانت طيبة
شكرا على الزيارة واتمنى تكون مش الاخيرة
-------------------------
bota الكتكوتة
-------------
وحشانى والله يا بوتا
احنا فعلا احتفلنا الشهر كله
بدليل انى لسه برد على تعليقاتكم دلوقتى

ما فيش تاخير ولا حاجة كفاية انك نورتينا فى المنتدى


-----------------
سلام عليكم