03 April 2008

اضراب 6 ابريل




مش هنتكلم كتير
لان مش اهدافى انى اتكلم فى السياسة هنا
ولان اللى احنا فيه ده مش سياسة ده اقتصاد نتكلم
ومش هقول غير ان فى اضراب يا جماعة هيتعمل يوم 6 ابريل

ابسط حاجة علشان تعرفوا ايه الاضراب ....ده لو فعلا ما كانش حد لسه سمع حاجة عنه يبقى احسن حاجة ادخل على جوجل حالا واكتب كلمة :
اضراب 6 ابريل
هتلاقى كذا موقع وكذا جهة كاتبة عن الاضراب ده

الغريبة ان الناس رغم انها مطحونة على الاخر من الاسعار اللى كل يوم بتغلى عن اللى قبله ورغم العيش اللى مش عارفين ناكله واحنا مرتاحين
ورغم كل حاجة متعبة بتحصل ...فى ناس كتير انا متاكده انها مش هتضرب اليوم ده وهيمشى يومهم عادى خالص ...ومش معزورين ولا اليوم ده هيفرق فى رزقهم ولا اى حاجة غير انهم بيقولوا مافيش فايدة ....اضراب ايه وابتاع ايه .....برضه قاعدين ومش هيحصل حاجة








هو يا جماعة يوم هيفرق فى حياتكم قوى كده لو غبتم عن شغلكم ...لو ما روحتوش مدارسكم ...لو ما نزلتوش تشتروا حاجة من السوق ولا حتى المحل اللى جنبكم

فين همة المصريين ؟ولا خلاص قضوا عليها ؟
يا جماعة ده مجرد اضراب سلمى للغاية ...لا فيه مظارهات ولا حاجة
ده تكملة لمسيرة الاضراب اللى حصل الاسبوع اللى فات واللى اتقال عليهفى التليفزيون
مافيش اضراب ولا حاجة
النهاردة بالصور لاقيت ان الاضراب حصل فعلا
والحمد لله فى صور من كليتنا الحبيبة

بنطالب فيه بس انهم يرحمونا يحسنوا التعليم ويخفضوا الاسعار شوية
رغم ان المشكلة كبيرة لان داخل فيها سياسة الحكومة فى الحرية الاقتصادية واحرية السوق ...يعنى لازم الدعم يتلغى ...لكن ممكن نقول ببساطة :
الليبرالية اللاقتصادية وحرية السوق لازم يكون جنبها تكافؤ فرص ونزاهة .....مش كوسة ورشوة وفساد ادارى وحكومى
علشان كده احنا فى ازمة
ما حدش هيخرجنا منها غير احنا ...لانهم هما غرقانين كافيار وعيش فينو وجمبرى ...مش حاسين باللى احنا فيه
طيب ما تخلونا نجرب





يا جماعة والله ده مجرد اضراب سلمى ...يعنى تقعد فى بيتك ما تخرجش ولا تنزل تشترى حاجة ولا تعمل اى حاجة خالص ...كانك تعبان يعنى ...عندك برد ومش قادر تتحرك ...ما صادفش انك ما رحتش شغلك فى يوم كان مهم جدا ؟

انا ما رضتش حتى احط صور وشعارات تانية تدل على العنف ...لان الاضراب فعلا لطيف خالص ...وكفاية اننا هنقعد فى البيت ...




يا جماعة هيبقى شكلنا وحش قوى لو ما اضربناش اليوم ده والمصريين فى لندن هيتضامنوا معانا وهيروحوا يقفوا قدام السفارة تعبيرا عن مشاركتهم



حتى لما نكون بنقول نضرب علشان الحكومة تعرف اننا لسه عايشين وبنطالب بحقوقنا ولو بشكل سلبى ...يبقى كمان مش قادرين نعمل كده؟

يبقى اخر حاجة هتتقال :
يا حسرة علينا

12 comments:

الطائر الحزين said...

بس يا خوفى نضرب ونقنع نفسنا ان كدة عملنا اللى علينا

تحياتى

عابر سبيل said...

اولا اسلام عليكم ورحمه الله وبركاته
بما ان الموضوع مش سياسه
انا هتكلم فيه لان انتو عرفين مبدى
لا كلام فى السياسه ولا سياسه فى الكلام
المهم
انا طبعا هشارك فى الاضراب ان شاء الله
ويا رب الناس كلها تشارك
لان الوضع فعلا اصبح لا يطاق
الحكومه تحولت من فساد الحكومه الى حكومه الفساد اصلا
انا شركت فى اضراب اعضاء هيئه التدريس والله وحسيت سعتها اننا انتصرنا على اراده الحكومه رغم ان متغيرش حاجه بس فعلا ده كان احساسى انا وكل الزملاء

Anonymous said...

���� ����� ���� ��� �������
�� ��� ������� �� ������ �� �������� ������� �������� ������.���� ������ ���� ��� �� ������ ���� ��� ��� ��� ���� ����
��� ���� �� ����� ������� �� ������ ������
��� ����� � � ��� ��� ��� ����� ����� ����� ���� ��� ���� �� ��� ���� ��� �� ��������
���� � ��� ��� ����� ���� ���� �� �� ��� ����� ����� ������
���� � ���� ����� �� ��� ���� ���� ��� ���� ���� ���� �
����� ������ �� �� ��� ������ ������
���� �� ����� �� ������� ��� ����� ����� ���� ������� ����� � ���� �� ������ �� �������
��� ����� ���� ������� ����� ���� ���� �� ���� �� �� ������� ������� �� ������� ������ �� ��� ���� ��������
��� ��� ������ �� ��� ������ �� ���� �� �������� �� ��������� ���� ��� ������ ����� �� ��� �����
���� ������ ��� �� ��� ����� ������ ����� ��
��� �� ���� �� ���� �������� ���� ����� ����� ������ ��� ����� ��� �� ���� ���� ��� � ����.
� ��� ��� ���� � ���
���� �� ��� ������ ����� �� ����� ������
���� �����

لست أدرى من أنا said...

سلام عليكم ورحمة الله وبركاته
أنا بحيى القائمين على المدونه على مجهوداتهم الكبيره ومواضيعهم الجميله.ولكن أسمحولى أكتب رأى فى الموضوع بشكل صريح وقد أكون مختلف شويه
رأى يعتمد على توقعى لأجابتك على السؤال التالى
ماهو شعورك لو لا قدر الله أحد أفراد أسرتك أحتاج تدخل طبى عاجل ولم يكن هناك طبيب فى المستشفى؟
ماذا لو حدث حريق بالحى التى تسكن به ولم تجد موظفى وعاملى الاطفاء؟
ماذا لو شعرت بالجوع ولم تجد عربية الفول اللى انته متعود عليها ؟
أعتقد أجابتك على كل هذه الاسأله معروفه
ولذلك أنا أقترح ان الاضراب يشمل نواحى بعينها لاتمس المواطن البسيط لا تمسك انت المضرب أو المعتصم
يعنى أصحاب المهن الحساسه يروحو عملهم عادى فى اليوم ده زى الاطباء الخبازين فى الافران البلدى زى بتوع الفول والفلافل
أنما اللى بيخبزو عيش فينو ميخبزوش فى اليوم ده والعاملين فى الأوتيلات الخمس نجوم ميروحوش الشغل فى هذا اليوم
عشان التأثير يكون على اللى بياكلو كافيار وبرجر بس
أنما أنا ذنبى ايه ملأيش سندوتشات الفول الصبح وملقيش الدكتور اللى هيكشف عليا لما يجيلى تلبك معوى من الفول.
مش عايز أطول أكتر من كدا
شكرا على سعة صدوركم وشكرا على أتاحة الفرصه
سلام عليكم

عصفور المدينة said...

أختلف ولي وجهة نظر وضعتها في مدونتي

بنوته مصرية said...

يارب يجي بفايده وتنزل الاسعار

ربنا معاهم يارب ومعانا

تحياتي

الشنكوتي الكبير said...

يارب فعلا يكون فيه فايده من الأعتصام
مش قصدي انهم يشيلوا الحكومه
لأن اللي انا عارفه ان الحكومه هتتشال فعلا بعد الأعتصام
وبيقال ان الريس هيعمل نظيف كبش فداء
يضرب بيه كذا عصفوره
اولا يهدي الناي
ثانيا يحسسهم ان اعتصامهم السلمي جاب نتيجه
ثالثا يعمل لنفسه صوره حلوه شويه بالكدب
وطبعا اكيد جمال هيبقى ليه دور يعلي النقط بتاعته بذياده
مش هو الأمير يا جدعان
اتمنى الحكومه والدوله كلها فعلا الأضراب ده يفرق معاها ويهزها
بس مش عارف ليه مش حاسس انه هيحصل كده
مجرد كلمتين نبعبع شويه وخلاص

اقولك ربنا يسهل ويقدم ما فيه الخير
انا انشاء الله مش هاروح الشغل
لكن هاضطر اروح الكورس بتاعي

ربنا يستر

سلاااااااااااااااااااااام

Anonymous said...

سلامو عليكو
احم احم
دستور يا جماعة
انا مي
انا داخلة اقول اني من موقعي هذا هشاركه ف الاضراب ومش هاروح الكلية وان شاء الله فيه فايدة ولا يضيع حق وراءه مطالب وعلى رأي الشاعر
وما نيل المطالب بالتمني ...
ولكن تؤخذ الدنيا...بالعافية
وابقي ابعتي بوستاتك دايما ع الجروب عشان اعرف اتابعك
سلام

Ahmed Al-Sabbagh said...



أنا ليه هعمل الاضراب ؟؟


لما الفسـاد وقــّـفوه حـارس على وطنى
ولهيب الغلا كوانى .. وحتّ ف بدنى
لما الحرامى سرق منى اللقمة والميه
وسرق هدوءى وسكنى .. حتى من سكنى
لما الحلم حتى اتسرق .. من يومى .. من زمنى
لما النظام نسج - فى عز الشباب - كفنى
أنا قلت هعلن العصيان
فى يوم حزين مـَدنى

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما سألت عالعيش .. قالوا مفيش
وقالو العيش على الأبونية
وسألت عالزيت .. وعزّيت
لما عرفت إن الزيت بتسعة جنيه
وسألت على حديد البُــنا
قالوا الحديد .. خلاص فى كرش البيه

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما البشر والحجر
ووادى النيل ببنى أدمينــــه
لما زمان الوطن بايامة وشهورة وسنينه
لما الصغير والكبير
قالوا كفاية مش عايزينــة
كفاية علينا حكم سنين
تخرج الواحـــــد من دينـه

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما المبيد صبح سرطان
يهرى ف ارضنا .. فى الزرع .. فى مواطن
لما بؤ الميه صبح وسخ داكن
لما خرب الاقتصاد .. واحد على تلـّـــهَ
قاعد وشارب وواكل وساكن
لما الشباب بيصرخ .. فى ذل ومهانة
ولا شغل ولا توظيف ولا شقة ومساكن

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم

تحياتى
أحمد الصباغ


فرنسا هانم said...

كتبت كتير تعليقات عن الموضوع ده
ومن كتر ما كتبت بحس انى بكرر كلامى
عموما
انا مع الاضراب
وساشارك فيه
واتمنى نجاحه
ولكنى غير متفأله بلنجاح

nonoymm said...

السلام عليكم
نورتي مدونتي المتواضعة
واشكرك على الزيارة واتمنى دوامها
طبعا فكرتي وصلت لحضرتك من خلال تدوينتي
واوضحها اكتر اني مع اعتصام مدروس بطريقة صحيحة لكن دة شقاوة شعب
تحياتي لاطرائك
دمت بود

مصطفى فتحي said...
This comment has been removed by the author.