22 June 2008

مخنووووووووووووووووووووووووقة

من كل حاجة
ومن كل الناس

مخنووووووووووووقة

لما تبقى على اخرك والمفروض تراعى اللى حواليك وتحاول ما تبينش تعبك وتفضل تحاول
وبعدين على حاجة هايفة الناس تعاتبك وتلومك وما يعجبهاش اى حاجة بتعملها ،وتنسى كل اللى بتعمله
لازم تتخنق

لما تبقى نفسك تفرح ...نفسك تحس ان اللى حواليك مبسوطين علشانك ،وتلاقيهم بيعملوا الحاجة كانها واجب عليهم وخلاص
لازم تتخنق

لما ما حدش يفهمك،ولما تحس ان حبايبك وناسك مش فاضينلك فى عز ما انت عايزهم حتى معاك معنويا
لازم تتخنق

لما تكون بتحاول تعمل كل اللى عليك ،وتعبان ومتضايق ،وكلمة قلتها غصب عنك ما تقصدش بيها حاجة تقوم الدنيا بسببها
لازم تتخنق

لازم تتخنق ،وتفكر تنتحر وتخلص من حياتك دى لانك بتحس ساعتها انك تاعب اللى حواليك ،وحمل زايد عليهم
وفى نفس الوقت مش عايز تزعل حد منك وفى نفس الوقت عايزهم يشاركوك فى كل حاجة

يبقى لازم تتخنق

اهو انا بقى مخنوووووووووووقة
ومخنوقة منكم انتو كمان ،ومش عايزة حد يعلق على كلامى
ولو اعرف ازاى اقفل التعليقات هقفلها

تحديث
فتحت التعليقات تانى
يمكن حد يحب يخلص عليا ...فيقول كلمتين يخنقوقنى زيادة
اتفضلوا

6 comments:

bastokka طهقانة said...

روقي يا جميلة انتي اعملي اللي عليكي و ربنا حيجازيكي كل خير
سيبك من الناس لا بيشكروا و لا بيعجبهم العجب

اوروفوار

عصفور المدينة said...

والذين آمنوا وعملوا الصالحات لا نكلف نفسا إلا وسعها

Bongo said...

دعاء فك الكرب و الهم و الحزن

لا اله الا الله الحليم الكريم لا اله الا الله العلى العظيم لا اله الا الله رب السماوات السبع ورب العرش العظيم


ياحى يا قيوم ... برحمتك استغيث اصلح لى شأنى كله ولا تكلنى الى نفسى طرفة عين

لا اله الا انت سبحانك انى كنت من الظالمين

اللهم انى اعوذ بك من الهم والحزن ..واعوذ بك من العجز والكسل .. واعوذ من الجبن والبخل ... واعوذ بك من غلبة الدين وقهر الرجال



هذا الدعاء ومنك الاجابه ياحي ياقيوم ......


هدعيلك .. :)

هكذا علمتني الحياة في ظل العقيده said...

في كل بلاء يصيب المرء عافية .... إلا البلاء الذي يدني من النار

هكذا الحياة دوما مريره
لكن لازم ناخد الامور ببساطه وهدوء
الدنيا متستاهلش غضبنا
فليكن غضبنا لله

على سبيل المثال
انا دلوقتي ان شاء الله هقوم اغسل الهدوم بتاعتي مع ان الساعه 2 بالليل بس لازم لاني محلتيش غيرها وكل ما اخرج ارجع اغسهلها
هل بسبب كده انا زعلان
لا ابدا
انا مخنوووووووووووووووووووووق

تحياتي

الطائر الحزين said...

وسعى قلبك

كل اللى بتقوليه وهتقوليه وغيرك بيقوله بيخنق

الشطارة ان الخنقه لا تدوم بعد الموقف

نونو said...

لالالالا
بعد الشر
روقي كدة وصلي على النبي
زيدي النبي صلاة
بصي سورة الرحمن بصوت الشيخ عبد الباسط وركعتين كدة خالصين لله
واكثري من الاستغفار
ربنا يروق بالك
تحياتي