17 January 2009

تاهت عن بالى ازاى ؟

تاهت عن بالى ازاى اكتب عن غزة
وكسلت ازاى اقول كلمة رثاء
ازاى غمضت عينى انام واحلم ؟
وازاى بعد الحلم صحيت واكلت وشربت ؟

ازاى بضحك وبغنى ؟
وازاى فى عز همومهم بفرح وبرقص ؟

مش عارفة ازاى ؟ومش عارفة اعمل ايه؟
حتى الدعاء نادرا ما بدعيلهم

كنت نويت اعمل حاجة تقربا الى الله وسعى انى اكون مسلمة بحق وحقيقى وجهاد فى سبيله ما كنتش متخيلة ان ممكن حد هيوقفنى عن اللى ناوياه
لكن ...اكتر شخص تصورت انه هيؤيدنى ويشجعنى لاقيته بيقولى لا استنى افكر واراجع نفسى وراجعى نفسك تانى
ولاقيتنى بنساق ورا كلامه بدل ما اصر على موقفى وعلى اللى انا عايزاه واللى نويته

ادعولى ربنا يقوينى ويقدرنى واكون قدها وقدود

5 comments:

الفراغ said...

انت فينك يا عابره السبيل
ليك حق تزعلى انك نسيت اخوانك وقت الجهاد
بس اكيد انت معاهم بقلبك ويمكن ربنا خلاك تنسى لسبب لايعلمه الا هو
هما محتاجين الدعاء حتى بعد ماوقف الضرب
وعلى فكره ماعتقدش ان الصهاينه وقفوا الضرب لسواد عيون الغزاويين اكيد فى حاجه يمكن لااعادة التسليح
يمكن على مايعرفوا اخبار يات جديده لانهم موقفين الضرب من جانب واحد ودا مش كويس عموما ربنا معاهم
واهلا بعودتك

safa7_karmooz said...

يااااااااااااااااااااااه

فينكم بجد

ليكم وحشة والله ..

ريكو said...

ربنا يقوي قلوبنا جميعا
وينصر الحق والخير فى كل مكان
يقدرنا نعمل حاجة ولو قليلة
نسكن بيها ضمايرنا
علشان نقدر ننام مرتاحي البال
تحياتى الخالصة

bota said...

مش قادرة اقول غير وحشاني جدآ
اما عن غزة فلها الله

عابرة السبيل said...

السلام عليكم ورحمة الله وبركاته

الفراغ
-------
انا فى الدنيا هكون فين بس ما عنديش نت اتابع المدونة باستمرار

والله انا ما بتكلمش فى السياسة
بس مش سهل انهم يستمروا فى الضرب بعد التضييق الشديد عليهم دوليا حتى ولو ظهر اعلاميا انهم وقفوا الضرب بمزاجهم ومش هاممهم حد
الموضوع كبييييييييييير ومش من مصلحة اى دولة ان اسرائيل تكبر وتسيطر على المنطقة حتى برضه لو كانوا بيساندوها لانها شوكة فى ضهر العرب
والله اعلم
-------------------------------

سفاح كرموز
----------
اهلا بيك ودايما ردودك مختصرة
ربنا يكون فى العون
-------------------------------

ريكو
------
امين يارب
اول زيارة تقريبا للمدونة
اهلا بيك
------------------------------

بوتا
-----

ربنا يخليكى يارب
والله انتى كمان وحشانى ونفسى اتابعك دايما بس هنعمل ايه
منورة المدونة
--------------------------------