10 March 2009

فى بيتنا نت

سلام عليكم
بناءا على طلب الجماهير الغفيرة
نكتب اليوم ...بوستا جديدا
تاتااتاااااااااااااااااااااااااااااااااااااااااااااااااااااتشششششششششششش

فى بيتُنا نت
---------
بعد ان طال انتظاره ...وحفيت الارجل بحثا عن وصلة نت تتناسب مع الحالة الاقتصادية التى تنتاب البلاد ....وفقنا الله عز وجل الى الحصول على خط نت مش بطال ...بيقطع بس كل ربع ساعة ساعة...لكننا رغم هذه الصعاب نكتب اليكم اليوم

اول ما دخل النت بيتنا كان غير مرحب به مطلقا...وانهالت الاعتراضات :
من اين ؟ولماذا ؟وكيف؟وما الداعى ؟
كما وردت الانباء فى حينها عن سقوط امطار غزيرة ...وخروج الاف من المواطنين فى مظاهرات ترفع لافتات تطالب بقطع سلك النت

وفسر المحللون هذه المظاهرات بانها خوف لا ارادى للجماهير... الخوف من ضياع الوقت والعمر والنظر والفلوس


وخرج مسؤل كبير قوى بوزارة الداخلية يطمئن المواطنين بان هذا الخوف مبالغ فيه و سيتلاشى بعد فترة وجيزة لما يحسوا بالفرق الكبير وتبان عليهم النعمة

وفعلا ما عداش يومين اهو وبكتبلكم بعد ما كان النت عامل زى الكلب الجربان والواحد خايف يقرب منه

هذا وبالله التوفيق
دمتم فى رعاية الله وامنه
والسلام عليكم ورحمة الله وبركاته

13 comments:

انا said...

هههههههههههههه ههههههههههههههه هههههههههههههههه

هههههههههههههههه
ههههههههههههههههه

موتنى من الضحك
ربنا يخلى المحروس ويتربى فى عزكم

انا said...

بس كويس انك رجعتى تانى
بجد وحشتينا اوىىىىىىى

انا said...

اه صحيح نسيت اقول


هييييييييييييييه انا اول تعليق
:)

اصل دى الموضه دلوقتى

انا said...

عارفه انا شكلك ايه دلوقتى لما دخلتى فاكره اربعه ناس علقوا عندك

وفى الاخر طلع انا بس اللى بلعب

هههههههه

انا said...

لالالالالالالالالالالا ماتزعليش
ربنا يرزقك بتعليق بجد


قولى اااااااامين

سبحان الله وبحمده said...

السلام عليكم ورحمة الله وبركاته
فى بيتنا نت
بكسر التاء وليس بضمها
شكرا جزيلا

3abratalsabeel said...

السلام عليكم
-----------

انا
-----
انت اول وتانى وتالت ورابع وخامس تعليق

ربنا يكرمك يارب ويرفع من معنوياتك

انا عارف دمى خفيف بس فى حد عامل عمل للمدونة ماحدش يدخل يعلق اكتر من 6 تعليقات

--------------------------
سبحان الله وبحمده
--------------
شكرا على درس النحو بس انا بقى بمزاجى مخليها ضمة مش كسرة

انها دعااااااااااااااابة
هع هع هع هع

عصفور مهاجر said...

أولا مبروك النت..أحس من الــ...اللي ما يستاهلش البنات
معذره ...وأظن كده قد كفرت عن ذنبي..
وأنا كمان بحاول أفهم أمكانياتنا لتنفيذ مشروع الصداقه ...ومثلنا الأعلي أعظم صداقه في التاريخ ..
صداقه (الصادق والصديق
وفي لنتظار طرحكم و افكاركم و مشاركتكم

3abratalsabeel said...

السلام عليكم
-----------------

عصفور مهاجر
-----------
شكرا للزيارة
بس والله مش فاهمة الجزء ده من التعليق

""أحس من الــ...اللي ما يستاهلش البنات
معذره ...وأظن كده قد كفرت عن ذنبي"

هو ايه الذنب ده ؟!!!!!!!!!!!
معلش عقلى على قدى ..

غروب said...

ههههه

ايه اللى انا عامله ده؟؟؟؟؟؟

والله انا فكرتك انتى بتلعبي مع نفسك وبتغزى العين

دمك خفيف ومدونتك لطيفه وربنا يكرم النت عندك وميقطعش كل ربع ساعه يقطع كل نص ساعه حتى واهى تبقي بجميله ههههههههه

ان شاء الله اتابع المدونه يا قمر

ومتكشره جدا على زيارتك

غروب

فركشاوي ..ناوي said...
This comment has been removed by the author.
عصفور مهاجر said...

في بيتنا نت = في بيتنا رجل (ولا أظن ان هناك رجال)
الذنب أني لم أدعوكي لمدونتي
فجيت اعتذر و أكفر عن الذنب
___معلهش نحن من عقولهم علي كدهم
انت عقلك كبير وقلبك أكبر
شكرا لك سيدتي ..

TheGrace website / موقع النعمة said...

Warm welcome to Alnemat TheGrace Arabic Christian Internet Magazine, We love you! Please visit us at:

In TheGrace opportunity to meet Jesus the Savior / في النعمة فرصة للقاء المُخلِّص يسوع المسيح
http://www.TheGrace.net

Salvation pardon peace life certitude mercy in Jesus / خلاص غفران سلام حياة يقين رحمة في المسيح
http://www.TheGrace.org

Arabic Christian Magazine The Grace offering the Arabic Bible / النعمة تقدم الإنجيل الكتاب المقدس
http://www.TheGrace.com

نتمنى لكم الفرح والسلام والمحبة لأن السلام افضل من الحرب والمحبة افضل من الكراهية كما ان النور أفضل من الظلمة
سلام لكم في محبة الله.نتأمل زياراتكم الكريمة لموقع النعمة موقع مجلة النعمة يقدم كلمة الله الكتاب المقدس الإنجيل رسالة السيد يسوع المسيح قراءات مختارة مواضيع مصيرية قصص واقعية شهادات شخصية ترانيم ممتازة ردود مؤكدة كتب بنّاءة رسوم تسالي تأملات يوميات
Bible audio Read search in Arabic Studys Stories Testimonies Hymns and Poems Answers Books Links Daily devotions Acappella Music Graphics /
Alnemat Journal Arabe Chrétien La Grâce la Revue Arabe sur Internet offre La Sainte Bible Al-Injil L’Evangile de Jésus Christ gratuit, Bienvenue a La Grâce.