01 April 2009

ايه ده؟....يخرب بيت اللى يزعلنى


اه يخرب بيت اللى يزعلنى
فيها ايه يعنى ؟
مش الواحد لما بيلاقى حد زعلان قوى ويحب يواسيه يقوله خلاص يا عم يخرب بيت اللى يزعلك

انا بقى بقول لنفسى ما تزعليش يا حبيبتى ...يخرب بيت اللى يزعلك بس ما تعمليش فى نفسك كده
انا عاملة فى نفسى ايه؟مانا كويسة اهو


ولا يهمك ...فداكى يا روحى 100 كيلو دقيق ...ايه يعنى تحرقى نص كيلو يعنى؟
اه ايه يعنى ...ما انا كنت عايزة اعمل بسكوت والكتاب الغبى هو اللى قال سيبيه نص ساعة فى الفرن

ولا تسوى الدنيا حاجة طول ما انتى كويسة وبخير
ايه يعنى نص ازازة الزيت وقع على الارض ؟
ما تقع ...هو انا كنت بلعب بيها يعنى ما انا كنت بعمل الاكل

وفيها ايه انك كنتى هتكسرى طبقين ....ولا حاجة قصاد انك تكونى مرتاحة
مش انا اللى كنت هكسرهم يا ستى ...ولو حتى اتكسروا ...اشترى 12 بدالهم

وبرضه ايه يعنى انك بتكتبى فى المدونة وماحدش بيعلق غير قليل قوى رغم انك بتلفى على المدونات واحدة واحدة
ولا يهمنى ...انا بكتب عشان بحب اكتب...واللى مش حابب المدونة ما يعلقش وما يدخلش اصلا

ولا يهمك كمان من اللى داخلين يكتبوا وكانهم داخلين يسرقوا ...من غير لا اسم ولا فصل
ولا كأنى شايفة تعليقاتهم ...ولا هرد عليهم كمان

انا بقى مش عايزة حد يعلق
ولو حد علق هقفل المدونة خالص

بس هه

8 comments:

الفراغ said...

ايه العسل ده..بجد انتى كلامك زى السكر
وواضح قوى انك مش زعلانه ولا حاجه
ولا عايزه يعلق عند ولا يكلمك خالص
وعلشان كدا انا ماشيه خلاص
حاسبى بقا..انتى هاتقفلى المدونه على ايدى
ياستى فداكى اى حاجه هو انتى هتقطعى نفسك ولا ايه..ازازة الزيت اكيد هى اللى اتزحلقت من ايدك
والدقيق نزرع قمح غيره(عايزنها تبقى خضره..الارض اللى فى الصحرا)

غروب said...

ههههه

تصدقي بالله من يوم مسبت المدونه شويه ودى اول مره ارد

عندك حق والله يخرب بيت اللى يزعلك

سيبك انتى

ضحكتينى

تسلم ايديكى وربنا يفرحك كمان وكمان

زى مفرحتينى وزى مسالتى عنى واهتميتى

ربنا مش يحرمنى منك يا جميله

Anonymous said...

الحمد لله انها جات على شويه دقيق
بس المهم ميكنش فيه حجات تنيه مقلتهاش زى مثلا مثلا صنيه بطاطس او طبق برجر وليكن ايه يعنى يخربيت الى يزعلك تعيشى وتبوظى



لا يجماعه الحق يقال
بجد والله نفسها فى الاكل ملوش حل
وقليل اوى لما بتحرق حاجه
وده محصلش الا فى الايام الاخيره عقبال عندكم

عصفور مهاجر said...

يخرب بيت اللي زعلك ويخرب بيت صاحب البيت اللي جنب بيته
مين دا اللي زعلك؟
لو أنت عايزه تغيظيهم ما تعلقيش عند حد .ويقفلوا هما المدونات اوعي تقفلي عليا
مشكوره علي زيارتك و مكانك محفوظ
ابقي خلي بالك من الزيت المره الجايه

عاشقة الأحزان said...

السلام عليكم ..
أختى الفاضله تقبلى مرورى لمدونتك الأول وبجد مش هيكون الأخير
وبصراحه فعلأ يخربيت اللى يزعلك أخدنا أيه من الزعل غير الهم والغم ياختى سيبك ما حدش أخد منها حاجه
ربنا يسعد أيامك ويفرحك يارب
تقبلى مرورى
وتحياتى
أختك إيناس
سلالالالامى

الطائر الحزين said...

مش هعلق

خطي تائهة said...

طب والله انتي زي العسل يا قمر
وفعلا يخربيت اللي يزعلك او يفكر مجرد
تفكير بس انه يزعلك
واللي مش بيعلق هو الخسران والله
تحياتي يا قطة :)

3abratalsabeel said...

السلام عليكم
------------
انا هرد عليكم بس عشان انتو ناس كويسة

الفراغ
------
اهو موود وخلص ورجعنا زى زمان