05 October 2009

الامهات بتتعب يا رجاااااااااااااااااالة

سلام عليكم
-----------
اه الامهات بتتعب يا رجالة
حسو بيهم يعنى
صحيح النهاردة مش عيد الام
لكن هو لازم يبقى النهاردة عيد الام عشان تروح تصالح مامتك ولا تزورها ولا تجيبلها هدية؟

ما تقوم يابنى انت وهو تتصل بامك ولا تروحلها اوضتها وتقعد معاها شوية
ياخى انت لولا امك دى انت كنت ولا تسوى

هتقولى اشمعنى يعنى الرجالة اللى بتخصيهم بالكلام؟
عشان البنات بطبعها رقيقة وحنينة وان كان برضه فى بنات
مهيسة
قومى يابت منك لها انجرى روحى صالحى مامت
ك

خلاص كده ياباشا ؟خالصين؟


نرجع بقى
هى مش امك دى سهرت بيك وانت تعبان؟
فرحت بفرحك وزعلت بزعلك؟

يابنى دى امك دى لو لفيت كده حواليك مش هتلاقى حد يحبك باخلاص زيها

لا ...صحابك ميييييين ...فى الاخر الحياة بتشغلهم عنك
ولا مراااااااااااتك ...هى اصلا اصلا متجوزاك مصلحة مش عشان سواد عيونك
ماتزعلوووووووش
ولا جوزك ياختى هيعوضك عن امك ولو ثانية واحدة مع اول خناقة هتلاقيه بيقولك :
على اماااااااااااااك

والله يا جماعة الامهات بتتعب
واحنا مابنحسش بتعبهم ده
بناخد اهتمامهم وتعبهم لينا على انه شىء مسلم بيه
طبعا مش انتى ماما ...استحملى بقى
:)

انا كاتبة البوست ده النهاردة بعد تجربة يعنى مش كلام فى الهوا
وعشان كمان مش معقولة نستنى لعيد الام عشان نتكلم عن الام وعن حقها علينا
وطبعا ماننساش توصية الرسول صلى الله عليه وسلم على الام :
امك ثم امك ثم امك ثم ابوك

معلش يمكن البوست ملخبط شوية بس معلش عشان وقتى ضيق
سلااااااااااااام

4 comments:

ماما said...

طيب عيزانى ارد ااقول ايه
وانت خليتى دموعى تفر من عنيا
بس برضه هاقولك ان اسعد ايام حياتى كانت وانا شايله همومكم
كانت وانا خايفه على مستقبلكم وافرح بنجاحكم وتفوقكم
كانت وانا شيفاكم بتكبروا قدام عنيا
ودلوقتى مش بقول غير قول الله عز وجل
((ربنا اجعل لنا من ازواجنا وذرياتنا قرة اعين واجعلنا للمتقين اماما))
وعلى فكره بقا داخل فى الذريه
الواد مصطفى الغالى
ربنا يسعدك بيه يارب

Anonymous said...

والله معاكى حق
لابد الناس تهتم باهلها اكتر من كده
بس عشان خطرى قللهم وهما ريحين لممتهم يبقو يعدو على ابوهم بالمره جبر خواطر يعنى
تحياتى

المجاهد الصغير said...

السلام عليكم
جزاكم الله خيرا
تدوينه جميله
جعله الله فى ميزان حسناتك
ام انس
...........................
القرضاوي يدعو لجعل الجمعة القادم "يوم غضب" لنصرة الأقصى
ياريت نكون يد واحده ونشارك
التفاصيل "موقع امل الامه"

الطائر الحزين said...

لا كلام يوفى الام حقها
اللهم ارزقنا برها

مجرد وجودها يمنع عنى أذى عظيم

جزاكم الله خيرا على الزيارة