27 October 2009

هاااااااااااااا ....ده الشغل حلو يا جدعااااااان

لذة غريبة قوى بتيجى للواحد لما يحس انه نجح فى حاجة
يا سلااااااااااااااااااام على الاحساس ده مابيتقارنش باى حاجة تانية ولا باى احساس تانى
زى انتعاش الزهور

ياااااااااااااااااااااااااه ..بقالى كتير ماحستش الاحساس ده
من ساعة نتيجة اخر سنة ليا لما الحمد لله جبت المرتبة


النهاردة بدات فى اول شغل واول وظيفة ليا فى حياتى
صحيييييييييح هى وظيفة تقريبا من غير اجر
وصحيييييييييييييييييييييح انا مش هقولكم عليها
وده عشان ما تفرحوش فيا ولا تقولولى موت ياحمار

لكن فكرة ان انا الوحيدة من 6 غيرى اللى فاز بالشغل دى كفاية
نجحت فى انى اكسب وظيفة
تصدقو فعلا فى شغل موجود ياجماعة فى البلد
وفى ناس ممكن تشتغل


وانا بتكلم عن فكرة الشغل بس ما بتكلمش عن الربح
يعنى اقصد بدل ما الشباب قاعد فى الشارع وعلى النواصى ولا مقضيها شات وموبايلات
يدور على اى شغل يخطفه من الفراغ اللى هو فيه
يشغل دماغه ويخليها تتحرك شوية بدل ما تقف
يعافر وينجح مرة ويفشل مرة لكن اكييييييييييييييد هيتعلم

بجد النجاح حلو وبيدى للواحد طاقة انه يكمل فى طريقه

يمكن اكون متفائلة ؟
يمكن عشان اول يوم فى الشغل ؟
يمكن
بس اكيد ان اللى يدور هيلاقى



5 comments:

ماما said...

الف مبروك انك اشتغلتى
وربنا يوفقك
بس كلمينى عن الشغل ده
علشان اعمل زيك
بس بجد اهو كدا الكلام
انتى دايما بتاكيديلى انك مش اى بنت
بجد انا فخوره بيكى

Yasmina said...

مبرووووووووووك
وطبعا لازم انتى اللى تفوزى من وسط 60 مش بس 6
لاسباب كتير بقى مش هقولك عليها

مبروك عليكى الشغل ولو من غير مرتب بكره تثبتى كفاءه ويتحايلوا عليكى

بس انا عايزه اعرف شغل ايه بقى
بالتوفيق يا جميل

مهاجر فى وطنى said...

السلام عليكم
مبرووووووك
اه الاخبار الجميله دى بلدنا فيها شغل ؟؟؟ طيب مش عيزين حد معاكم ان شالله ساعى حته
بس انا عايز فلوووس مليش دعوه
مبروك وبالتوفيق ان شاء الله

work 2009 said...

هل تريد تصميم شيق وسريع لموقعك؟ هل انتى مصممة مواقع محترفة
تفضل بزيارة موقعنا

عابرة السبيل = ام بقلظ باشا said...

الله يبارك فيكم كلكم ...
يارافعين معنوياتى